ក្រសួងបង្រួបបង្រួមជាតិកូរ៉េខាងត្បូង បាននិយាយថា ការដឹក ជញ្ជូនវ៉ាក់សាំងកូវីដ-១៩ ទៅប្រទេសកូរ៉េខាងជើងតាមរយៈកម្មវិធីចែករំលែក COVAX លើពិភពលោក ដែលត្រូវបានគេរំពឹងទុកនៅចុងខែឧសភា ត្រូវបានពន្យារពេលម្តងទៀត។ នេះបើយោងតាមការចេញផ្សាយដោយសារព័ត៌មាន CNA ថ្ងៃអង្គារ ទី០១ ខែមិថុនានេះ។

មជ្ឈមណ្ឌល COVAX ដែលធានាសុវត្ថិភាពវ៉ាក់សាំងសម្រាប់ប្រទេសក្រីក្រ បាននិយាយថាខ្លួននឹងផ្តល់វ៉ាក់សាំងរបស់ក្រុម ហ៊ុន AstraZeneca ជិត ២លាន ដូសដល់ប្រទេសកូរ៉េខាង ជើង។

សម្ព័ន្ធភាព GAVI ដែលជាសហប្រធាននៃ COVAX ជាមួយអង្គការសុខភាពពិភពលោក (WHO) មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។ប៉ុន្តែគេបាន ប្រាប់រ៉យទ័រ កាលពីខែមុនថា មិនបានដឹកជញ្ជូនវ៉ាក់សាំងទៅកាន់ប្រទេសកូរ៉េខាងជើងទេដោយសារខ្វះខាត“ ការត្រៀមលក្ខណៈបច្ចេកទេស” និងខ្វះការផ្គត់ផ្គង់សកល ប៉ុន្តែអាចរំពឹងថានឹងមាននៅចុងឆ្នាំនេះ។

នៅក្នុងសេចក្តីថ្លែងការណ៍មួយកាលពីសប្តាហ៍មុន ទៅកាន់សន្និបាតប្រចាំឆ្នាំរបស់អង្គការ សុខភាពពិភពលោក កូរ៉េខាង ជើងបានចោទប្រកាន់បណ្តាប្រទេសដែលមិនបានបញ្ជាក់ពីការត្រួតត្រាការផ្គត់ផ្គង់វ៉ាក់សាំងនិងបង្កឱ្យមាន “ការរាំងស្ទះ” សកលដោយសារតែ “ភាពអាត្មានិយមជាតិ” ៕