ខ្សែបម្រើប្រយុទ្ធកូរ៉េខាងត្បូង Heung-min Son នឹងចុះកិច្ចសន្យាថ្មីជាមួយ Tottenham Hotspur នៅប៉ុន្មានសប្តាហ៍ខាងមុខនេះហើយ នេះបើតាមអ្នកសារព័ត៌មានអ៊ីតាលី Fabrizio Romano។
កីឡាករវ័យ ២៨ឆ្នាំរូបនេះគឺជាកីឡាករសំខាន់សម្រាប់ Spurs ខណៈក្លិបនៅទីក្រុងឡុងដ៍មួយនេះមិនឱ្យរូបគេចាកចេញឡើយ និងត្រៀមកិច្ចសន្យាថ្មីដែលមានការឡើងថ្លៃឈ្នួលផងដែរ Son មានកិច្ចសន្យាជាមួយក្លិបភាគខាងជើង ទីក្រុងឡុងដ៍មួយនេះរហូតដល់ឆ្នាំ២០២៣។
Heung-min Son បានក្លាយខ្លួនជាខ្សែប្រយុទ្ធឆ្នើមម្នាក់នៅ English Premier League បន្ទាប់ពីរដូវកាលមុនរកបាន ២០គ្រាប់ និងបញ្ជូន ១៥លើកគ្រប់ក្របខណ្ឌ។ ការសំរេចចិត្តបន្ថែមកិច្ចសន្យាថ្មីអោយ Heung-min Son ស្របពេលដែរខ្សែប្រយុទ្ធជួរមុខរបស់ក្លិប Harry Kane កំពុងស្ថិតក្នុងផ្លូវចាកចេញ ដើម្បីស្វែងរកជោគជ័យថ្មីក្នុងអាជីព៕
មតិយោបល់