រដ្ឋាភិបាល ប្រទេសអាហ្សង់ទីនបានអំពាវនាវឲ្យមានសាមគ្គីភាពជាតិដើម្បីទប់ស្កាត់មេរោគរាតត្បាត ខណ:ប្រទេសនេះបានកាន់ទុក្ខមនុស្សជាង92,000 នាក់ដែលបានស្លាប់ដោយសារវីរុសCovid-19 នៅក្នុងប្រទេស។

ប្រធានាធិបតីអាហ្សង់ទីន លោក Alberto Fernandez និយាយអំឡុងពេលពិធី ធ្វើឡើងនៅមជ្ឈមណ្ឌលវប្បធម៌ក្នុងទីក្រុង Buenos Aires ថាយើងនៅទីនេះដើម្បីរំលឹកដល់ជនរងគ្រោះដែលបានស្លាប់ដោយមេរោគឆ្លងនេះ។ លោកប្រធានាធិបតីនិយាយថានេះជាពិធីរំលឹក នៅពេលលោកចូលរួមពិធីជាមួយអ្នកតំណាងមកពីវិស័យផ្សេងៗនៃសង្គម រួមទាំងបុគ្គលិកមានសក្តានុពល និងអភិបាលខេត្ត។