ផ្ទះ ព័ត៌មានជាតិ នគរបាលអន្តោប្...

នគរបាលអន្តោប្រវេសន៍ឃាត់ខ្លួនជនជាតិវៀតណាមនិងចិនចំនួន៨នាក់ នៅហាងកាត់សក់ក្នុងខណ្ឌដូនពេញ

0

ភ្នំពេញ: ទីតាំងហាងម៉ាស្សា និងកាត់សក់ចំនួន៤កន្លែង ត្រូវបានកម្លាំងនគរបាលអន្តោ​ប្រ​វេស​ន៍នៃក្រសួងមហាផ្ទៃ ដែលដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើប​អង្កេត និងអនុវត្តនីតិវិធី បានចុះសហការជាមួយកម្លាំងនគរបាលមូលដ្ឋានព្រមទាំងមានការសម្របសម្រួលពីលោក សៀង សុខ ព្រះរាជអាជ្ញាអមសាលាដំបូងរាជធានីភ្នំពេញបានចុះត្រួតពិនិត្យបែបបទជនអន្តោប្រវេសន៍ កាលពី​វេលាម៉ោង ១៤ និង ៣០នាទីរសៀល ថ្ងៃទី០២ ខែកញ្ញា ឆ្នាំ២០១៦ ស្ថិតនៅតាមបណ្តោយ ផ្លូវលេខ១២៨ ភូមិ៤ សង្កាត់ផ្សារថ្មី២ ខណ្ឌដូនពេញ រាជធានីភ្នំពេញ ។

ក្នុងប្រតិបត្តិការចាប់បង្រ្កាបនេះដែរ លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុ​វត្តន៍នីតិវិធីបានប្រាប់ឲ្យដឹងថា ដោយអនុវត្តនូវបញ្ជាពីលោកនាយឧត្តមសេនីយ៍ សុខ ផល អគ្គនាយកនៃអគ្គ​នាយក​ដ្ឋានអន្តោប្រវេសន៍ក្រសួងមហាផ្ទៃ ដើម្បីធ្វើយ៉ាងណាឲ្យការអនុវត្តន៍ច្បាប់អន្តោប្រវេសន៍របស់ព្រះរាជាណាចក្រ​កម្ពុជា​យើងឲ្យមានប្រសិទ្ធភាពខ្ពស់នោះទើបកម្លាំងរបស់លោក ចុះមកសហការជាមួយនិងកម្លាំងមូលដ្ឋានព្រម​ទាំង​មាន​ការសម្រប​សម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញនោះ បានចុះ​ប្រតិ​បត្តិការ​ត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមហាងកាត់សក់ចំនួន៤កន្លែង នៅផ្លូវ​កម្ពុជាក្រោមក្នុងសង្កាត់ផ្សារថ្មី២ខណ្ឌដូនពេញនេះដោយធ្វើការឃាត់ខ្លួនស្ត្រីជនជាតិវៀតណាមចំនួន៧នាក់និងជនជាតិចិនម្នាក់ដែលកំពុងតែលួចស្នាក់នៅ និងបំពេញការងារដោយគ្មានលិខិតស្នាមអ្វីសោះឡើយ។

បច្ចុប្បន្នស្ត្រីជនជាតិវៀតណាមទាំង៧នាក់និងជនជាតិជនជាតិចិនម្នាក់ត្រូវបានសមត្ថកិច្ចនាំខ្លួនទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ ដើម្បីរង់ចាំធ្វើការបណ្តេញចេញទៅតាមនីតិវិធីច្បាប់៕

អន្តោរប្រវេស អន្តោរប្រវេស អន្តោរប្រវេស អន្តោរប្រវេស អន្តោរប្រវេស

មតិយោបល់