ដើម្បីយល់រឿងនេះ គេត្រូវត្រឡប់ទៅអតីតកាល កាលពីជាង២០ឆ្នាំមុន គឺក្រុមតាលីបង់ ជាការអ្នកកាន់អំណាចរដ្ឋ គឺរដ្ឋាភិបាលតាលីបង់ កាន់អំណាចស្របច្បាប់ នៅឆ្នាំ១៩៩៦ ដល់ឆ្នាំ២០០១ មុនពេល ដែលកងទ័ពសហរដ្ឋអាមេរិក វាយផ្តួលរំលំ។ ក្រោយព្រឹត្តិការណ៍ភេរវកម្ម ថ្ងៃទី១១ខែកញ្ញា២០០១ គឺសហរដ្ឋអាមេរិក សងសឹកតាមកម្ទេច ក្រុមអាល់កៃដា និងបើកឆាកសង្គ្រាមប្រឆាំងភេរវកម្មនៅអាហ្វហ្កានីស្ថាន ក៏ព្រោះតែ អាហ្វហ្កានីស្ថាន បានផ្តល់កន្លែងស្នាក់នៅដល់ពួកអាល់កៃដា ដែលដឹកនាំដោយ អូសាម៉ា ប៊ិនឡាដិន ហើយអាហ្វាហ្កានីស្ថាន របស់តាលីបង់ មិនព្រមសហការចាប់ខ្លួន អូសាម៉ា ប៊ិនឡាដិន ប្រគល់ឲ្យអាមេរិក ទើបអាមេរិករំលំរបបនេះ។ ទីបំផុត ១០ឆ្នាំក្រោយប្រតិបត្តិការសឹក អាមេរិក បានសម្លាប់ អូសាម៉ា ប៊ិនឡាដិន នៅក្រុង Abbottabad ក្នុងទឹកដី បាគីស្ថាន។
បើយើងមើលទៅ ឲ្យឆ្ងាយជាងនេះបន្តិច គឺពួកតាលីបង់ ក៏ធ្លាប់បានបម្រើការឲ្យ អាមេរិក ដែរ នៅក្នុងសង្គ្រាមប្រឆាំងសូវៀត។ ក្នុងសង្រ្គាមអាហ្វហ្កានីស្ថាន ១៩៧៩-១៩៨៩ ក្រុមតាលីបង់ និងក្រុមរបស់ អូសាម៉ា ប៊ិនឡាដិន ពេលនោះស្ថិត ជាផ្នែកមួយ នៃកងឧទ្ទាម មូចាហ៊ីឌីន ដែលបានទទួលការជួយជ្រោមជ្រែង ពីសំណាក់សហរដ្ឋអាមេរិក តាមរយ:ទីភ្នាក់ងារចារកិច្ចសេអ៊ីអា ដើម្បីប្រយុទ្ធតទល់នឹងកងទ័ពសូវៀត។
២ទសវត្សរ៍មកនេះ ពួកតាលីបង់ បានតស៊ូប្រយុទ្ធដើមត្រឡប់មកកាន់អំណាចឡើងវិញ នៅក្រុងកាប៊ូល។ ពេលនេះ ចំពោះតាលីបង់ គឺគេឈ្នះហើយ។ ចំពោះអាមេរិកវិញ ក៏ថាឈ្នះដែរ ដែលបានសម្លាប់ ប៊ិនឡាដិន។
មតិយោបល់