ប្រធានាធិបតីអ៊ីរ៉ាក់លោក Barham Salih បានអំពាវនាវដល់ក្រុមអ្នកប្រឆាំង លទ្ធផល បោះឆ្នោតកាលពីថ្ងៃអាទិត្យដើម្បីធ្វើឱ្យស្ងប់ស្ងាត់ និងងាកទៅរកច្បាប់ដើម្បី ការពារស្ថិរភាពរបស់ប្រទេស។ លោក Salih បាននិយាយនៅក្នុងសេចក្តីថ្លែងការណ៍ ដែលចេញដោយការិយាល័យប្រព័ន្ធផ្សព្វផ្សាយប្រធានាធិបតីថា យើងសូមអំពាវនាវ ឱ្យ គ្រប់ភាគីប្រកាន់យកនូវជំហរជាតិប្រកបដោយការទទួលខុសត្រូវរក្សា ភាពស្ងប់ស្ងាត់ និង ចៀសវាងការកើនឡើងណាមួយដែលអាចប៉ះពាល់ ដល់សន្តិភាព និងសន្តិសុខសង្គម។

ទន្ទឹមនឹងនេះ លោក Salih បានជំរុញឱ្យគណៈកម្មការរៀបចំការបោះឆ្នោត និងប្រព័ន្ធ តុលាការតាមដានរាល់បណ្តឹង និងបណ្តឹងឧទ្ធរណ៍ដែលបានដាក់ដោយ អ្នកដែលបដិសេធ លទ្ធផលបោះឆ្នោត ប្រកបដោយវិជ្ជាជីវៈខ្ពស់ ការទទួលខុសត្រូវ និងមិនលំអៀង។