រដ្ឋមន្ត្រីក្រសួងការពារជាតិអ៊ីស្រាអែល លោក Benny Gantz បាននិយាយកាលពីថ្ងៃអង្គារថា ប្រទេសអ៊ីរ៉ង់កំពុងប្រើប្រាស់មូលដ្ឋានចំនួនពីរ ដើម្បីវាយប្រហារនៅដែនសមុទ្រ ជាមួយនឹងយន្តហោះដ្រូន។ ការលើកឡើងរបស់លោក បានធ្វើឡើងនៅក្នុងសន្និសិទ មួយនៅសាកលវិទ្យាល័យ Reichman ភាគខាងជើងទីក្រុង Tel Aviv ពីរបីថ្ងៃមុនពេលចាប់ ផ្តើមកិច្ចចរចានុយក្លេអ៊ែរឡើងវិញ រវាងមហាអំណាចពិភពលោក និងប្រទេសអ៊ីរ៉ង់ ស្តីពី ការពិនិត្យឡើងវិញនូវកិច្ចព្រមព្រៀងនុយក្លេអ៊ែរ ឆ្នាំ២០១៥។
លោក Gantz បានបង្ហាញថា ប្រទេសអ៊ីរ៉ង់បានបើកការវាយប្រហារនៅដែនសមុទ្រ ពីមូលដ្ឋានទ័ពពីរនៅមូលដ្ឋាន Chabahar និង Qeshm ។ លោកនិយាយថា យន្តហោះដ្រូន គឺជាឧបករណ៍សំខាន់មួយ ដែលទីក្រុងតេអេរ៉ង់កំពុងប្រើប្រាស់ ដោយលោកបានលើកឡើងថា យន្តហោះដ្រូន មានភាពច្បាស់លាស់ និងអាចទៅដល់គោលដៅយុទ្ធសាស្ត្រ ក្នុងចម្ងាយរាប់ពាន់ គីឡូម៉ែត្រ។
មតិយោបល់