(ឡុងដ៍)៖ ក្រុមអ្នកស្រាវជ្រាវនៅក្នុងចក្រភពអង់គ្លេស បាននិយាយថា មិនមានភស្ដុតាងណាមួយអាចបញ្ជាក់បានថាមេរោគ COVID-19 បំប្លែងថ្មី Omicron មិនមានភាពកាចសាហាវ ជាងមេរោគបំប្លែងថ្មី Delta នោះទេ តែវាអាចចម្លងជំងឺលឿនរហ័សជាងវីរុសបំប្លែងថ្មីនាពេលបច្ចុប្បន្នរួមទាំង Delta ផងដែរ។
ក្រុមអ្នកស្រាវជ្រាវមកពីសាកលវិទ្យាល័យ Imperial College London ធ្វើការកត់សម្គាល់បែបនេះដោយផ្អែកលើទិន្នន័យបឋមមួយបានមកពីការប្រៀបធៀបរវាង អ្នកឆ្លងមេរោគបំប្លែងថ្មី Omicron ចំនួន ១១,៣២៩នាក់ និងមនុស្សជិត ២០០,០០០នាក់ ដែលឆ្លងមេរោគ COVID-19 បំប្លែងថ្មីដទៃ។
យ៉ាងណាក៏ដោយ គិតត្រឹមថ្ងៃចន្ទដើម្បីសប្ដាហ៍នេះ ចក្រភពអង់គ្លេសមានអ្នកស្លាប់ដោយសារ Omicron កើនដល់ ១២នាក់។
ទិន្នន័យខាងលើដដែលក៏បានបង្ហាញដែរថា វ៉ាក់សាំងមានប្រសិទ្ធភាពពី ០-២០ភាគយ ប្រឆាំងនឹង Omicron ក្រោយការចាក់វ៉ាក់សាំងទាំង២ដូស និងពី៥៥-៨០ ភាគរយ នៅក្រោយចាក់ដូសជំរុញ ឬដូសទី៣។
ប្រភព៖ Reuters
![](https://i0.wp.com/postnews.com.kh/wp-content/uploads/2016/12/photo_2016-12-20_07-58-29.jpg?fit=960%2C1280&ssl=1)
![](https://i0.wp.com/postnews.com.kh/wp-content/uploads/2016/12/គ្រឿងញៀន-1-1.jpg?fit=630%2C372&ssl=1)
![](https://i0.wp.com/domneng.news/wp-content/uploads/2021/12/photo-2021-12-21-15-37-04.jpg?resize=1000%2C400&ssl=1)
មតិយោបល់