បរទេស៖ The Sky Sports នៅថ្ងៃនេះបានចេញផ្សាយថាកីឡាករ Digne ជំនាញខ្សែការពារស្លាបឆ្វេងនៅពេលនេះកំពុងក្លាយទៅជាគោលដៅដ៏គួរឲ្យទាក់ទាញបំផុតពីសំណាក់ក្លឹបខ្លាំងៗនិងក្លឹបសេដ្ឋីរបស់អង់គ្លេសជាច្រើន។

កីឡាករ Lucas Digne បច្ចុប្បន្នកំពុងឡើងទំរង់លេងខ្លាំងជាមួយនឹងក្លឹប Everton ប៉ុន្តែជឿជាក់ថាកំពុងតែធ្វើការសម្រេចចិត្តក្នុងការចាកចេញទៅជាមួយនឹងក្លឹបចំនួន៣ដែលបានបង្ហាញចំណាប់អារម្មណ៍ជាមួយនឹងកុងត្រារបស់គាត់ដូចជាក្លឹប Chelsea, West Ham និង Newcastle ផងដែរ។

Digne បច្ចុប្បន្នត្រូវបានគេជឿជាក់ថាមានតម្លៃខ្លួនប្រមាណជា៣០លានផោនប៉ុន្តែមិនសូវបានបង្ហាញខ្លួនលេងឲ្យក្លឹបក្រោមការដឹកនាំរបស់លោកគ្រូបង្វឹក Rafa Benitez នោះទេហើយសង្ឃឹមថានឹងអាចធ្វើការចាកចេញនៅក្នុងខែមករានេះជាមិនខាន៕