បុរសជាអ្នកលក់ទឹកត្នោតជូរម្នាក់ ខ្យល់គរស្លាប់ភាមៗនៅលើចុងត្នោត ខណ:ឡើងកៀបយកទឹកបង្កការភ្ញាក់ផ្អើលដល់សមត្ថកិច្ច។
ហេតុការណ៍នេះ បានកើតឡើងនៅថ្ងៃទី១០ ខែកុម្ភ: ឆ្នាំ២០២២ វេលាម៉ោង៧និង៣០នាទីព្រឹក ថ្ងៃទី១០ ខែកុម្ភ: ឆ្នាំ២០២២នៅ ចំណុចក្នុងសាលាគរុកោសល្យភូមិភាគខេត្តកណ្តាល ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។
ជនរងគ្រោះឈ្មោះ អាន វណ្ណ: ភេទប្រុស អាយុ៣៨ឆ្នាំ មុខរបរឡើងត្នោត ជនជាតិខ្មែរ ស្នាក់នៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានប្រាប់ឲ្យដឹងថា យោងតាមការបំភ្លឺរបស់គ្រូគរុសិស្ស ដែលរៀននៅសាលាគរុកោសល្យភូមិភាគខេត្តកណ្តាល នៅថ្ងៃទី១០ ខែកុម្ភះ ឆ្នាំ២០២២វេលាម៉ោង៧និង៣០នាទីព្រឹក បានឃើញជនរងគ្រោះមកឡើងត្នោតនៅក្នុងបរិវេណសាលាគរុកោសល្យជាប្រចាំ ប្រហែលកន្លះម៉ោងមក ក៏ឃើញធ្លាក់ដង្គៀបគាបទឹកត្នោតចុះក្រោម ក៏មើលជនរងគ្រោះពីលើដើមត្នោត ឃើញដេកនៅលើដើមត្នោត ក៏សង្ស័យបានស្រែហៅតែមិនឆ្លើយតប បានប្រាប់សមត្ថកិច្ចឲ្យចុះមកមើល ហើយបានទាក់ទងទៅក្រុមគ្រួសារជនរងគ្រោះ ខាងក្រុមគ្រួសារជនរងគ្រោះបានមកដល់ ក៏បានឡើងទៅលើដើមត្នោត យកខ្សែចងយោងជនរងគ្រោះចុះមកក្រោម បន្ទាប់មកក៏នាំគ្នាជួយសង្គ្រោះរឹតទ្រូង និងធ្វើចលនាបេះដូង ហើយបានទាក់ទងទៅរថយន្ដសង្គ្រោះ ពេលមកដល់ប្រាប់ថា ជនរងគ្រោះបានស្លាប់បាត់ទៅហើយ។
តាមការពិនិត្យ ជនរងគ្រោះស្លាប់ដោយខ្យល់គរ(គាំងបេះដូង)។ ចំពោះសាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់