បរទេស៖ កីឡាករខ្សែប្រយុទ្ធបារាំង Mbappe អាចឆក់យឱកាសមាសក្នុងនាមជាកីឡាករវិរៈបុរសតាមរយៈការស៊ុតបញ្ចូលទីគ្រាប់បាល់តែមួយគ្រាប់គត់ក្នុងការប្រកួតដ៏សំខាន់មួយរវាង PSG និង Real Madrid យប់មិញនៃពានរង្វាន់ Champions League។

អ្នកគាំទ្រភាគច្រើនរបស់ PSG ត្រូវបានគេដឹងថាទំនងជាសប្បាយចិត្តខ្លាំងជាងនៅពេលដែល Mbappe ស៊ុតបញ្ចូលទីជាជាងកីឡាករMessi ស៊ុតបញ្ចុលទីហើយដូចទៅនឹងការចង់បាននៅនាទីទី៩៣ទៅហើយទើប Mbappe អូសបាល់ដាច់ខ្សែការពារ៣នាក់ទំលុះរបារទីជួយឲ្យ PSG យកឈ្នះ Real Madrid ក្នុងលទ្ធផល១ទល់នឹង០។

PSG មានឱកាសមួយដ៏ធំដែរដែលជាការទាត់បាល់ពិន័យ១១ម៉ែត្រដោយកីឡាករ Messi ប៉ុន្តែត្រូវបានរារាំងដោយអ្នកចាំទី Thibaut Courtiosទៅវិញ៕