Post News Media ព័ត៌មានជាតិ មន្ត្រីកសិកម្...

មន្ត្រីកសិកម្ម ចុះជួបនិងផ្តល់ពូជដំណាំរួមផ្សំ ជូនកសិករ នៅខេត្តរតនគិរី

ភ្នំពេញ: ក្រុមការងារក្រសួងកសិកម្ម រុក្ខាប្រម៉ាញ់ និងនេសាទ រួមជាមួយមន្ទីរកសិកម្ម អាជ្ញាធរមូលដ្ឋាន នៅថ្ងៃម្សិលមិញនេះ។

បើតាមលោក នុត ច័ន្ទសុខា អនុរដ្ឋលេខាធិការ ក្រសួងកសិកម្ម បានដឹកនាំក្រុមការងារ ក្រសួងកសិកម្ម ចុះពិនិត្យស្វែងយល់ពី ការរីកចម្រើនវិស័យ កសិកម្ម ខេត្តរតនគិរី និងចុះពិនិត្យស្ថានភាពការងារ បង្កបង្កើនផលរដូវវស្សា លើដំណាំស្រូវ និងបានផ្តល់ពូជបន្លែរួមផ្សំ មួយចំនួនជូនដល់កសិករ នៅឃុំភ្នំកុក ស្រុកវ៉ើនសៃ ខេត្តរតនគិរី ។

តាមប្រភពព័ត៌មាន ពីក្រសួងកសិកម្ម បានឲ្យដឹងថា “ជារួមការងារបង្កបង្កើនផល ស្រូវរដូវស្សា របស់ខេត្តរតនគិរី បានបញ្ចប់ទាំងស្រុង លើផ្ទៃដីបូកសរុបជំហានដំបូង ២៤.១០០ហិកតា មិនមានជួបបញ្ហាគ្រោះធម្មជាតិ ទឹកជំនន់ រាំងស្ងួត និងសត្វល្អិតបំផ្លាញឡើយ” ។ ប្រភពដដែរបង្ហាញថា ភាគច្រើនដំណាំស្រូវលូតលាស់ល្អ ក្រៅពីនេះខេត្តមានដំណាំ កសិឧស្សាហកម្ម ជាប្រភេទដំណាំ ឈានមុខសម្រាប់ដោះស្រាយជីវភាពប្រចាំថ្ងៃ ក្នុងនោះរួមមាន ដំណាំដំឡូងមី ជាង ១៧២០០ហិកតា សណ្តែកសៀង ៤៨៤០ហិកតា កៅស៊ូ ៦៩៣៤១ហិកតា ស្វាយចន្ទី ១៩ ២០០ហិកតា ម្រេច ៧៧០ហិកតា និងដូងប្រេងចំនួន ១៨ ៣៩២ហិកតា ៕

photo_2016-09-12_11-37-23 photo_2016-09-12_11-37-26 photo_2016-09-12_11-37-29