ព្រះសីហនុៈ បុរសជនជាតិអាមេរិកម្នាក់ ត្រូវបានគេប្រទះឃើញដេកស្លាប់នៅលើសួនឆ្នេរអូរត្រេស តាមបណ្តោយផ្លូវឆ្នេរអូរត្រះ1 ស្ថិតក្នុង ក្រុម០8 ភូមិ6 សង្កាត់4 ក្រុងព្រះសីហនុ បង្កឲ្យមានការភ្ញាក់ផ្អើលកាលពីម៉ោង៦និង៣៥នាទីព្រឹកថ្ងៃទី១៣ ខែតុលា ឆ្នាំ២០១៦ រួមរាយការណ៍ដល់សមត្ថកិច្ចចុះទៅពិនិត្យ។

សាកសព ត្រូវបានសមត្ថកិច្ចឲ្យដឹងថា ឈ្មោះ JOHN WILLIAM CLEEREMAN ភេទប្រុស កើតថ្ងៃទី 15-10-1968 សញ្ជាតិ អាមេរិក មុខរបរ ទេសចរណ៍ កាន់លិខិតឆ្លងដែនលេខ (433002607) លិខិតឆ្លងដែនថតចំលងគ្មានទិដ្ឋាការសុពលភាពថ្ងៃទី(03-03-2018)លិខិតឆ្លងដែនច្បាប់ដើមកំពុងស្រាវជ្រាវ។

តាមការពិនិត្យរបស់លោកគ្រូពេទ្យ លី សារាយ គណៈកម្មការសមត្ថកិច្ចកោសល្យវិច័យមបានឲ្យដឹងថា៖ សាកសពស្លាប់ដោយសារជំងឺគាំងបេះដូង។

បច្ចុប្បន្នសាកសព ត្រូវបានដឹកទៅរក្សាទុកនៅមន្ទីរពេទ្យបង្អែក ខេត្តព្រះសីហនុ (ពេទ្យចំការចេក) រង់ចាំការសម្រេចពីក្រុមគ្រួសារ និងស្ថានទូត៕