ភ្នំពេញៈ​ កំពុងសិក្សា​ថ្នាក់ទី​១១ នៅវិទ្យាល័យគូលេន ក្នុងខេត្តព្រះវិហារ ប្អូនប្រុស នួន អេឡិចស្តា ហៅ Mrr Yam ដែលជាអ្នកធ្វើវីដេអូឃ្លិប ប្លែកបង្ហោះនៅលើបណ្តាញសង្គមយក្សហ្វេសប៊ុក​ កំពុងទទួលបានការចាប់​អារម្មណ៍ យ៉ាងខ្លាំង ។​
ផ្តើមចេញពីការលេងហ្វេសប៊ុក នៅឆ្នាំ​២០១៣ តែការលេងនោះ លេង​ទាំងងងឹតងងុល ទើបដល់ឆ្នាំ​២០១៦ ក៏បានបង្កើតគំនិតច្នៃប្រឌិត បង្កើតវិដេអូឃ្លិប ប្លែក​ៗ និងរូបភាព​បែបកំប្លែង​ៗ រហូតមានអ្នក Like និង Share ជាច្រើន ។​

បុរសភេទទី​៣ នួន អេឡិចស្តា ហៅ Mrr Yam បានថ្លែងប្រាប់ Post News ថា ការលេង​ហ្វេសប៊ុករបស់ខ្លួន គឺចង់បាន​ឲ្យគេស្គាល់ច្រើន នរណា​ក៏ដូចនរណា​ដែរ ​។​
Mrr Yam ថា​«បើទោះបីជា​វីដេអូឃ្លិបដែលខ្ញុំ បង្ហោះទៅ ត្រូវបានគេ បន្ទោស​ស្រែកស្តីថា ឆ្កួតឡប់ តែពេលហ្នឹង​ខ្ញុំបានធ្វើអ្វី មួយ ដែលខ្លួន​ឯងចង់បាន ឲ្យគេស្គាល់យើង ទោះកំឡុងពេលនោះ គេកំពុងស្អប់ក៏ដោយ​ តែខ្ញុំមិនខ្វល់ សំខាន់ខ្ញុំចង់ដើរទៅមុខ​បន្ត​ទៀត​» ។​
ស្ថិតក្នុងវ័យ ១៩ឆ្នាំ Mrr Yam បានបន្តថា បើសិនជា​អាច នៅពេលខាងមុខ ខ្លួននឹង​ចង់ប្រឡូកចូលវិថីសិល្បៈ ក្នុងពេល​មួយ ដ៏សមគួរ បើសិនជាឱកាសហុចឲ្យនោះ ។​
ដោយឡែកស្ថានភាព​គ្រួសារ នួន អេឡិចស្តា វិញ លោកគឺជាកូនទី១ ក្នុងទ្រនំគ្រួសារ គឺ​ប្រុស១ ស្រី​២ ហើយ​ឪពុកម្តាយ ជា​អ្នកកសិករ តែប៉ុណ្ណោះ ៕​

ទស្សនាវីដេអូឃ្លិបដូចខាងក្រោមនេះ៖
https://www.youtube.com/watch?v=37Z77GJR2jc&feature=youtu.be
https://www.youtube.com/watch?v=0gUhPesZru8&feature=youtu.be
https://www.youtube.com/watch?v=u-DJpcmX7LI&feature=youtu.be
https://www.youtube.com/watch?v=pRrwonkMP9A&feature=youtu.be