អ្នកប្រដាល់ក្លឹបរឹទ្ធីពោធិ៍សែនជ័យ ឈឿន ឆៃដែន បង្ហាញការតាំងចិត្តថានឹងមិនដកខ្លួនចេញពីការប្រកួតវិលជុំដណ្តើមខ្សែក្រវ៉ាត់គូបូតាឡើយ បើទោះបីត្រូវវាយទាំងឈឺជើង ព្រោះមិនចង់ឲ្យខូចកម្មវិធី។

ថ្លែងប្រាប់ក្រុមកាងារ Post Sport ឆៃដែន បង្ហើបថាគេបានឈឺជើងតាំងពីប្រកួតទី២ជាមួយថៃមកម្លេះ ប៉ុន្តែមិនអាចដកខ្លួនបាន ដោយខ្លាចខូចកម្មវិធីប្រកួតរបស់ទូរទស្សន៍។

« និយាយទៅជើងខ្ញុំឈឺតាំងពីប្រកួតទី២មកម្លេះបង ប៉ុន្តែធ្វើម៉េចទេ ចេះតែវាយទៅ មិនឲ្យខូចកម្មវិធីគេ។ សង្ឃឹមតិច ប៉ុន្តែយ៉ាងណាយើងប្រឹងអស់ពីលទ្ធភាពហើយ។ ទោះមិនបានលទ្ធផលល្អ តែខ្ញុំបានបទពិសោធន៍ប៉ះអ្នកខ្លាំងជាច្រើនដែរបង។» សម្តី ឆៃដែន។

បន្ថែមលើនេះ អ្នកប្រដាល់មិនសូវបានសម្តីរូបនេះក៏បានតាំងចិត្តខ្ពស់ក្នុងការហ្វឹកហាត់បន្ថែម ដើម្បីស្តារកេរ្តិ៍ឈ្មោះក្នុងពិភពប្រដាល់ឡើងវិញ។

ឆៃដែន នឹងត្រូវប្រកួតបង្គ្រប់កិច្ចនាវេលាម៉ោង១រសៀលនេះ តទល់ជើងខ្លាំងថៃ ឌឺនឈុនឡេក នៅសង្វៀនបាយ័នបឹងស្នោ ខណៈអ្នកលេងរន្ទះជើង ឡៅ ចន្ទ្រា ក៏ត្រូវជួប ហ្វាសុទ្ធសៃ ក្នុងវគ្គវិលជុំចុងក្រោយដូចគ្នា។

វីដេអូ ឆៃដែន បោះបង់ការប្រកួតដោយសារឈឺជើង

https://www.youtube.com/watch?v=raVnhbF7rak