Post News Media ព័ត៌មានកីឡា នេះ​ជា​ខ្សែ​ក...

នេះ​ជា​ខ្សែ​ការពារ Ronaldo ​ពិបាក​ស៊ី​ប្រឡោះ​ជើង​បំផុត​ក្នុង​អាជីព​របស់​គេ

Cristiano Ronaldo ​បាន​បង្ហាញ​ឈ្មោះ​ខ្សែ​ការពារ​ម្នាក់​ដែល​ខ្លួន​ពិបាក​នឹង​អូស​បាល់​ឆ្លង​កាត់​បំផុត​ក្នុង​អាជីព​របស់​ខ្លួន ​ដោយ​ម្នាក់​នោះ​គឺ Ashley Cole ​អតីត​កីឡាករ Arsenal ​និង Chelsea ។

អំឡុង​ពេល​ប៉ះ​គ្នា​ប៉ុន្មាន​ដង​ពេល Ronaldo ​នៅ​លេង​ឱ្យ​ក្លឹប Manchester United ​កីឡាករ Ashley Cole ​បាន​បិទ​ខ្សែ​ប្រយុទ្ធ​សញ្ជាតិ​ព័រទុយហ្គាល់​ជាប់​បាន​ល្អ​មែនទែន ​រហូត​ដល់​ធ្វើ​ឱ្យ​រូបគេ​មិន​អាច​បំភ្លេច​គ្រា​នោះ​បាន​នោះ​ទេ។ មិន​ត្រឹម​តែ​លេង​ឱ្យ​ក្លឹប​អាជីព​ឡើយ ​ដោយ​គ្រា​នោះ​សូម្បី​តែ​លេង​ឱ្យ​ជម្រើស​ជាតិ​ក្នុង​ប្រកួត​មិត្តភាព​របស់ Cole ​អាច​បិទ​ Ronaldo ​បាន​ល្អ​ដែរ។

ម្ចាស់​ពាន Ballon d’Or ​៤​សម័យ​កាល​រូប​នេះ​បាន​និយាយ​ដូច្នេះ​ថា​៖ “ច្រើន​ឆ្នាំ​មក​ហើយ ខ្ញុំ​មាន​រឿង​ជា​ច្រើន​ចង់ចាំ​ជាមួយ Ashley Cole ​គាត់​មិន​ឱ្យ​អ្នក​បាន​ដក​ដង្ហើម​នោះ​ទេ ​នៅ​ពេល​អ្នក​បាន​បាល់។ គាត់​ជា​កីឡាករ​ឆ្លាត​ណាស់ លឿន ​ដណ្ដើម​បាល់​បាន​ល្អ។ អ្នក​ដឹង​ទេ ​ខ្ញុំ​មិន​ដែល​មាន​ការ​ប្រកួត​ស្រួល​ម្ដង​ណា​ទេ ​ជាមួយ​គាត់”។

ខ្សែ​ការពារ​ឆ្វេង​របស់​អង់គ្លេស​ខាង​លើ​នេះ ​បច្ចុប្បន្ន​លេង​ឱ្យ​ក្លឹប LA Galaxy ​ហើយ​ក៏​បាន​បញ្ចប់​អាជីព​ក្នុង​ក្រុម​ជម្រើស​ជាតិ​អង់គ្លេស​តាំង​ពី​ឆ្នាំ​២០១៤​មក​ហើយ។ បុរស​វ័យ​៣៦​ឆ្នាំ​នេះ ​ធ្លាប់​ឈ្នះ​ពាន​រង្វាន់​ច្រើន​ជាមួយ​ក្លឹប Arsenal ​និង Chelsea ៕

Loading...