ថ្វីបើមានវ័យចំណាស់បន្តិចមែន ក៍ប៉ុន្តែខ្សែប្រយុទ្ធដ៍ឆ្នើម Ronaldinho នៅតែជាទីចាប់អារម្មណ៍ និងការគាំទ្រ ពីសំណាក់អ្នកគាំទ្រក្លិបអ្នកមានបុណ្យ Barcelona ។

ការប្រកួត Legends រវាងក្រុម Barcelona និងក្រុម Manchester United ពិតជាទទួលបាននូវការចាប់អារម្មណ៍យ៉ាងច្រើនពីសំណាក់អ្នកគាំទ្រ ដែលចង់មើលការលេងរបស់កីឡាករក្នុងដួងចិត្តរបស់ពួកគេ។ ជាក់ស្តែងណាស់ ចំពោះវត្តមាននៃការវិលត្រឡប់របស់ Ronaldinho ក្នុងការប្រកួតនេះ ពិតជាមិនធ្វើឲ្យអ្នកគាំទ្រកីឡាករប្រេស៊ីលរូបនេះខកចិត្តនោះឡើយ។ អាយុ របស់ Ronaldinho មិនមែនជាបញ្ហាសម្រាប់ខ្សែប្រយុទ្ធរូបនេះឡើយ ព្រោះថា Ronaldinho នៅតែបង្ហាញទម្រង់លេងបានយ៉ាងល្អដូចមុនដដែល។ បើទោះបីជា Ronaldinho មិនអាចជួយក្រុមឲ្យយកឈ្នះ Man Utd បាន តាមរយៈការអូសបាល់ ការបោះបាល់ និងការស៊ុតបាល់បង្ហាញឲ្យអ្នកគាំទ្រឃើញថា តារាដ៍ឆ្នើមរូបនេះ នៅតែខ្លាំង នៅតែជាកីឡាករគ្រោះថ្នាក់មួយរូបដដែល។

ម្យ៉ាងវិញទៀត ក្រោយចប់ការប្រកួត Ronaldinho បាននិយាយប្រាប់ក្រុមអ្នកសារពត៌មានថា រូបគេនឹងបន្តចូលរួមលេង ការប្រកួត Legends ឲ្យ Barcelona បន្តទៀត ប្រសិនបើមានការប្រកួតលើកក្រោយៗទៀត។ ហេតុនេះហើយ អ្នកគាំទ្រ Barcelona និងកីឡាករ Ronaldinho ទាំងអស់ នឹងអាចទស្សនាការលេងរបស់ Ronaldinho បានបន្តទៀត។