Angel di Maria អាចនឹងមានការសោកស្ដាយខ្លាំងបំផុតក្នុងការប្រកួតយប់មិញនេះ ដោយសារតែរូបគេបានបង្ហាញកាយវិការឱ្យអ្នកគាំទ្រ Barcelona ស្ងាត់មាត់ នៅពេលដែល Cavani រកគ្រាប់បាល់បាន តែចុងក្រោយបែរជាក្រុមខ្លួនធ្លាក់ចេញទៅវិញ។
ក្នុងបាល់ទាត់អ្វីក៏អាចកើតមានឡើងមែន ដោយក្រុម FC Barcelona អាចវាយបកយកឈ្នះក្រុម PSG ៦-១ ជើងទី២នេះ ឡើងទៅវគ្គបន្ទាប់បានយ៉ាងអស្ចារ្យ ដោយគិតទាំងពីរជើង ៦-៥។ នេះជាប្រវត្តិសាស្ត្រថ្មីមួយសម្រាប់ក្រុម Barcelona ដែលបានបង្កើតឡើងក្នុង UEFA Champions League ដោយតាំងពីដើមមកមិនដែលមានក្រុមណាអាចធ្វើបានដូច្នេះនោះទេ។ ដោយចាញ់ជើងទី១ ៤-០ ទៅហើយ បែរជាអាចវាយបកយកឈ្នះនៅជើងទី២នេះបានទៅវិញ ក្នុងលទ្ធផល៦-១ ទៅវិញនោះ។
អ្វីដែលកាន់តែធ្វើឱ្យ PSG ឈឺចាប់នោះ ដោយក្នុងប្រកួតយប់មិញនេះ នៅពេល Cavani រកបាន១គ្រាប់កីឡាករទាំងអស់សប្បាយចិត្តខ្លាំងណាស់ ស្របពេលដែល Di Maria វិញ បានបង្ហាញកាយវិការឌឺដងដាក់អ្នកគាំទ្រក្រុមម្ចាស់ផ្ទះទៀត។ ដោយការវិការនោះអាចបញ្ជាក់បានថារូបគេចង់ឱ្យអ្នកគាំទ្រ Barca ទាំងអស់ស្ងាត់មាត់ ព្រោះក្រុមរបស់ខ្លួនអាចនឹងឡើងទៅវគ្គបន្ដបានហើយ។
តែចុងក្រោយ អ្វីៗគឺក្រឡាប់ចាក់អស់ហើយ PSG ដែលមានសង្ឃឹមដល់ទៅ៩៩%ទៅហើយនោះ បែរជាបាត់បង់ឱកាសទៅវិញ ដោយសារតែប្រហែសចុងម៉ោងឱ្យ Barcelona ស៊ុតបាន៦គ្រាប់៕
មតិយោបល់