ក្រុម Paris Saint-Germain អាចនឹងរៀបចំអង្គរក្សការពារកីឡាកររបស់ខ្លួន ក្រោយពីចាញ់ក្រុម FC Barcelona ធ្វើឱ្យអ្នកគាំទ្រខឹងសម្បាជាខ្លាំង។
ក្រោយពីបរាជ័យមិនគួរឱ្យជឿនៅទឹកដីអេស្ប៉ាញមក ក្រុមកីឡាកររបស់ PSG បានត្រលប់ទៅបារាំងវិញ ហើយក៏មានអ្នកគាំទ្រមួយចំនួនរង់ចាំធ្វើបាបពួកគេផងដែរ។ តួយ៉ាងដូចជាម្សិលមិញនេះ ឡានរបស់កីឡាករម្នាក់ត្រូវអ្នកគាំទ្រស្កាត់វាយកម្ទិច ប៉ុន្តែមិនធ្វើឱ្យមានកីឡាកររបួសស្នាមនោះទេ។ ហេតុដូច្នេះហើយ បានជាក្រុម PSG បានចេញសេចក្ដីប្រកាសឱ្យកីឡាកររបស់ខ្លួនមានការប្រុងប្រយ័ត្នចំពោះហេតុការផ្សេងៗ ព្រោះខ្លាចមានរឿងមិនល្អកើតឡើង។
PSG បានយកឈ្នះ FC Barcelona ៤-០ ក្នុងដីខ្លួនឯង ប៉ុន្តែទៅដល់ដីអេស្ប៉ាញវិញ ពួកគេចាញ់ក្នុងលទ្ធផល ៦-១ វិញ ធ្វើឱ្យបាត់បង់ឱកាសឡើងទៅវគ្គ៨ក្រុមចុងក្រោយពានរង្វាន់ UEFA Champions League ៕
មតិយោបល់