Kaka កីឡាករឆ្នើមម្នាក់របស់ជម្រើសជាតិប្រេស៊ីល បានបញ្ជាក់ថាបច្ចុប្បន្ននេះ Neymar បានធ្វើឱ្យពិភពលោកទទួលស្គាល់គេទៅហើយ ប៉ុន្តែមិនទាន់ល្បីដល់ចំណុចនៅឡើយទេ ព្រោះរូបគេត្រូវតែប្ដូរឈ្មោះនេះចេញទៅបាន។
Neymar បានជួយក្រុម FC Barcelona ច្រើនមែនទែនតាំងពីផ្លាស់មកលេងនៅអេស្ប៉ាញនេះ ដោយរៀងរាល់ឆ្នាំរូបគេតែងតែបានលើកពានជានិច្ច មិនថាក្នុងស្រុកនិងអន្តរជាតិនោះទេ។ យ៉ាងណាមិញ សមត្ថភាពប៉ុណ្ណឹងហើយ មិនទាន់អាចធ្វើឱ្យរាមច្បង Kaka គិតថាល្អគ្រប់គ្រាន់ឡើយ ដោយបុរសរូបនេះគិតថានៅមួយចំណុចទៀតដែលខ្សែប្រយុទ្ធវ័យក្មេងរូបនេះត្រូវធ្វើទៀត។
“ជាមួយអ្វីដែលគាត់បានធ្វើកន្លងមក គឺ Neymar បានក្លាយជាកីឡាករល្បីជួរមុខម្នាក់លើលោកនេះហើយ។ ប៉ុន្តែខ្ញុំគិតថាប្រសិនបើគាត់អាចប្ដូរឈ្មោះពី Neymar ទៅជា Reymar វិញនោះ គឺគាត់នឹងកាន់តែមានភាពល្បីល្បាញជាងនេះទៅទៀត។ កីឡាករប្រេស៊ីលដែលល្បីឈ្មោះដក់ជាប់ក្នុងចិត្តអ្នកកីឡាទាំងអស់គឺតែងតែផ្ដើមដោយអក្សរ R ទាំងអស់”។ សម្ដីរបស់ kaka ។
ការលើកឡើងដូច្នេះ ដោយសារតែ Kaka មើលឃើញថាតារាល្បីៗរបស់ប្រេស៊ីលគឺសុទ្ធតែមានឈ្មោះផ្ដើមពីអក្សរ R ដូចជា Romario, Ronaldo, Rivaldo និង Ronaldinho ជាដើម៕
មតិយោបល់