សហរដ្ឋអាមេរិក កាណាដា និងប្រទេសម៉ិកស៊ិក ទទួលបានជោគជ័យជាស្ថាពរ ក្នុងការចាប់ដៃគ្នា ធ្វើជាម្ចាស់ផ្ទះ ការបរកួតពានរង្វាន់ពិភពលោក FIFA World Cup ដែលនឹងរៀបចំឡើងនៅក្នុងឆ្នាំ ២០២៦​។

នេះគឺជារឿងដ៏ប្រសើរមួយ សម្រាប់ប្រទេសទាំងបី ដែលមានមូលដ្ឋាននៅទ្វីបអាមេរិកខាងជើង ដើម្បីទទួលស្វាគមន៍ការប្រកួត ដែលមានប្រជាប្រិយភាពមួយនេះ។ ប្រទេស​អាមេរិក​ កាណាដា និងម៉ិកស៊ិក បានរៀចំកសាងពហុកីឡារដ្ឋានសំខាន់ៗ របស់ពួកគេ ព្រមទាំងរៀបចំនូវទឹកប្រាក់យ៉ាងច្រើនមហិមាផងដែរ។

អ្វីដែលសំខាន់ គឺអាមេរិក កាណាដា​ និងម៉ិកស៊ិក ត្រូវពង្រឹងបន្ថែមនូវសន្តិសុខ ដើម្បីការពារសុវត្ថិភាពរបស់កីឡាករ ទាំងអស់ក្នុងពេលប្រកួត។ ម្យ៉ាងវិញទៀត ការរៀបចំសហម្ចាស់ផ្ទះទទួលស្វាគមន៍ ការប្រកួតបាល់ទាត់លំដាប់ ពិភពលោកនេះ វាជាលើកទីពីរហើយ បន្ទាប់ពីសហម្ចាស់ផ្ទះ កូរ៉េ និងជប៉ុន កាលពីឆ្នាំ ២០០២។ ការរៀបចំម្ចាស់ផ្ទះ World Cup ២០២៦ នេះបន្ទាប់ពី World Cup ២០១៨ នៅរុស្សី​ និង​ ២០២២ នៅកាតា៕