Post News Media ព័ត៌មានកីឡា Neymar​ រងពិន...

Neymar​ រងពិន័យបីប្រកួត

Neymar JR​ កំពុងខកចិត្តយ៉ាងខ្លាំង បន្ទាប់ពីសហព័ន្ធបាល់ទាត់របស់ប្រទេសអេស្ប៉ាញ សម្រេចពិន័យមិនឲ្យចូលរួមបីប្រកួត។

ការសម្រេចពិន័យមកលើ​កីឡាករ សញ្ជាតិប្រេស៊ីល​ Neymar ត្រូបានធ្វើឡើងបន្ទាប់ពីកីឡាកររូបនេះ ទទួលបានកាតក្រហម អំឡុងពេលប្រកួតជាមួយនឹង Malaga។ ការពិន័យបែបនេះ វាជារឿងមិនល្អឡើយ សម្រាប់ Neymar ក៏ដូចជាក្រុមអ្នកមានបុណ្យ Barcelona ខណ:ប្រកួតទី២​ របស់ពួកគេនៅ Laliga ត្រូវប៉ះជាមួយ ក្រុមគូប្រជែង Real Madrid។

ការអាក់ខាននេះ Neymar មិនសប្បាយចិត្តឡើយ ព្រោះថា ការប៉ះទង្គិចនេះ មិនសមនឹងទទួលរងនូវការពិន័យ រហូតដល់៣ ប្រកួតឡើយ វាហាក់ដូចជា​ មិនយុត្តិធម៌ទេ។ ម្យ៉ាងវិញទៀត Neymar ចង់មានវត្តមាន ក្នុងការប្រកួតជាមួយក្រុមយក្ស Real Madrid ដែលជាការប្រកួតយ៉ាងសំខាន់ សម្រាប់រូបគេ។ Neymar នឹងអវត្តមាននៅសប្តាហ៍នេះ ខណ: Barcelona ប៉ះក្រុម Real Sociedad ហើយបន្តជួប Real Madrid ថ្ងៃទី ២៣ ខែមេសា ​និងចុងក្រោយប៉ះ Osasuna នៅចុងខែនេះ៕