ក្រុមយក្ស​ Real Madrid បានជោគជ័យក្នុងការនាំយកខ្សែប្រយុទ្ធវ័យ ១៦ឆ្នាំ Vinicius Junior របស់ប្រេស៊ីលមកកាន់ Bernabue ហើយនៅក្នុងតម្លៃខ្លួន ៣៨លានផោន ។ កីឡាករវ័យក្មេង Vinicius Junior នេះដែរក៏មានក្លិបធំៗមួយចំនួនចង់បានដែរដូចជា Arsenal, Chelsea និង​ Barcelona ដែលមានបំណងចង់បានកីឡាកររូបនេះ។

យោងតាម Talk Sports បានបញ្ជាក់ឲ្យដឹងថា Real Madrid បានចំណាយទឹកប្រាក់រហូតដល់ទៅ ៣៨លានផោន ក៍ប៉ុន្តែ Vinicius Junior មិនទាន់មកកាន់ Bernabue ភ្លាមៗទេ ដោយរង់ចាំដល់កីឡាកររូបនេះគ្រប់អាយុ ១៨ឆ្នាំសិន។ យ៉ាងណាក៍ដោយ ការនាំយក Vinicius នេះដែរ ត្រូវបានគេជឿជាក់ថា កីឡាកររូបនេះ​នឹងក្លាយជា Neymar​ ថ្មីសម្រាប់ Real Madrid ដោយយោងទៅលើទម្រង់លេង និងសមិទ្ធផល ដែល Vinicius កំពុងទទួលបាននៅពេលនេះ។

គួរបញ្ជាក់ផងដែរថា Vinicius Junior ជាកីឡាកររបស់ក្លិប Flamengo នៃក្របខណ្ឌ Serie A និងកំពុងលេងអោយជម្រើសជាតិប្រសុីលយុវជនអាយុក្រោម ១៧ឆ្នាំ​ និងធ្លាប់ជាកីឡាករដែលស៊ុតបញ្ចូលទីច្រើនជាងគេក្នុងកម្មវិធី Under-17 South American Championship។