ក្រុមបីសាចក្រហម Manchester United កំពុងផ្តោតអារម្មណ៍ទៅលើខ្សែប្រយុទ្ធសញ្ជាតិអុីតាលី វ័យ ២៣ឆ្នាំរបស់ក្រុម Torino គឺកីឡាករ​ Andrea Belotti។

ក្លិបបាល់ទាត់អង់គ្លេសមួយនេះ​ ហាក់នៅស្ទាក់ស្ទើក្នុងការនាំយក Belotti មកកាន់ Old Traffone បន្ទាប់ពីតម្លៃខ្លួនរបស់គេ​ដល់ទៅ ៨៤.៥ លានផោន។ ការចំណាយទឹកប្រាក់ដ៍សម្បើមនេះ មកពី Belotti នៅជាប់កុងត្រាជាមួយ Torino រហូតដល់ឆ្នាំ ២០២១​ ដូច្នេះហើយ Man Utd ត្រូវចំណាយប្រាក់ច្រើនសន្ធឹកសន្ធាប់​ដើម្បីផ្តាច់កុងត្រា ប្រសិនបើចង់បានកីឡាករវ័យ ២៣ ឆ្នាំរូបនេះ។

គួរបញ្ជាក់ផងដែរថា​ នៅរដូវកាលនេះ Andrea Belotti កំពុងតែបង្ហាញនូវសមត្ថភាពយ៉ាងអស្ចារ្យ ដោយរកបាន ២៥ គ្រាប់នៅរដូវកាលនេះឲ្យ Torino។ អ្វីដែលសំខាន់នោះ​ ក្រុមតោខៀវ Chelsea ក៍កំពុងតែចាប់អារម្មណ៍ចង់បាន រូបគេដែរ​ បើតាម ESPN បានឲ្យដឹងថាកីឡាករសញ្ខាតិអ៊ីតាលីនេះ មានបំណងចង់មកលេងនៅអង់គ្លេសដែរ តែហាក់មិនជឿជាក់ថា ក្លិបណាហ៊ានចំណាយប្រាក់ច្រើនបែបនេះទេ នាំឲ្យរូបគេត្រូវពិភាក្សាឡើងវិញជាមួយ Torino។