Pierre-Emerick Aubameyang ខ្សែប្រយុទ្ធរបស់ក្រុម Dortmund នឹងអាចក្លាយជាកីឡាករដែលមានតម្លៃពលកម្មប្រចាំសប្តាហ៍ខ្ពស់មួយក្នុងពិភពលោក ប្រសិនបើកីឡាករវ័យ ២៧ឆ្នាំរូបនេះផ្លាស់ទៅកាន់លីគកំពូលរបស់ចិន។

Shanghai SIPG បានចរចារនាំយកខ្សែប្រយុទ្ធ Aubameyang ពីក្រុម Dortmund ក្នុងតម្លៃខ្លួន ៥០ លានអឺរ៉ូ។ អ្វីដែលសំខាន់ ក្លិបសេដ្ឋីចិនមួយនេះបានផ្តល់នូវប្រាក់ប្រចាំសប្តាហ៍ដល់ Aubameyang រហូតដល់ទៅ ៨០០០០០ អឺរ៉ូ ដែលជាតម្លៃពលកម្មដ៍ខ្ពស់សម្រាប់កីឡាករបាល់ទាត់អាជីព។ ថ្វីបើ ក្លិបសេដ្ឋីចិនហ៊ានចំណាយខ្ពស់ក៍ដោយ តែមិនប្រាកដថា​ Aubameyang អាចចាកចេញពី Dortmund ទៅចូលរួមជាមួយឡើយ ព្រោះមានក្លិបធំៗជាច្រើនកំពុងតាមចែរចង់ កីឡាកររូបនេះ។

ប្រសិនបើ​ Aubameyang ទៅលីគកំពូលរបស់ចិន កីឡាកររូបនេះ​នឹងអាចលេងជាមួយខ្សែការពារដ៍ឆ្នើម Fabio Canavaro ដែលជាម្ចាស់ជ័យលាភី បាល់មាស World Cup ២០០៦ ប៉ុន្តែទឹកប្រាក់ច្រើនសន្ធឹកសន្ធាប់នេះ ប្រហែលមិនអាចលួងចិត្ត Aubameyang បានឡើយ ខណះពេលដែលកីឡាកររូបនេះចង់សាងស្នាដៃបន្តទៀតនៅអឺរ៉ុប។