ខ្សែប្រយុទ្ធឆ្នើមរបស់ក្រុមជម្រើសជាតិប្រេស៊ីល Neymar JR មិនជាប់ឈ្នោះក្នុងបញ្ជីក្រុមជម្រើសជាតិឡើយ ខណះ ប្រេស៊ីល និងត្រូវប្រកួតមិត្តភាពជាមួយ អាហ្សង់ទីន ខែក្រោយនេះ។

ប្រេស៊ីល និង អាហ្សង់ទីន បានណាត់ជួបប្រកួតគ្នាដ៍ធំមួយនៅទឹកដីអូស្ត្រាលី ក្នុងថ្ងៃទី ០៩ មិថុនា ខាងមុខនេះ។​ បើតាម RIO DE JANEIRO បានឲ្យដឹងថា គ្រូបង្វឹកប្រេស៊ីលបានកោះហៅ David Luiz ឲ្យត្រឡប់មកលេងជម្រើសជាតិវិញក្នុងការប្រកួតនេះ ក៍ប៉ុន្តែ Neymar បែរជាមិនមានវត្តមានទៅវិញ។

ទាក់ទិននឹងបញ្ហានេះដែរ គ្រូបង្វឹកប្រេស៊ីលបានប្រាប់ទៅ RIO DE JANEIRO ថា ការមិនដាក់ Neymar ឲ្យលេងក្នុងជំនួបដ៍ធំជាមួយអាហ្សង់ទីននេះ មិនមែនមានន័យថា កីឡាករឆ្នើមរូបនេះ មិនជាប់ឈ្នោះក្នុងបញ្ជីជម្រើសជាតិឡើយ។​ លោកចង់ឲ្យ Neymar សម្រាកវិស្សមកាលរបស់គេឲ្យបានច្រើន ដើម្បីត្រៀមខ្លួនក្នុងយុទ្ធនាការណ៍ FIFA World Cup 2018 នៅរុស្សី ដែលជាបេសកកម្មដ៍ធំរបស់ប្រេស៊ីល។​

ដូច្នេះហើយលោក ជឿជាក់ថា Neymar នឹងរីករាយជាមួយ វិស្សមកាលរបស់គេ មុននឹងមកចូលរួមជាមួយក្រុមវិញនៅព្រឹត្តិការណ៍ដ៍ធំខាងមុខនេះ។