ក្រុម Manchester City បានត្រៀមខ្លួនរួចជាស្រេចក្នុងការទិញអ្នកចាំទី Ederson Moraes ពីក្លិប Benfica។

ដោយសារក្រុម Manchester City កំពុងប្រឈមនឹងបញ្ហាអ្នកចាំទី ដែល Caballero ជិតនឹងចាកចេញនោះ ទើបធ្វើឲ្យក្លិប មួយនេះត្រូវរកអ្នកចាំទីថ្មី។ ជាការពិតណាស់ លោក Pep Guadiola បានចាប់អារម្មណ៍លើអ្នកចាំទីវ័យ ២៣ឆ្នាំរបស់ Benfica ដែលកំពុងតែលេងល្អ។ Ederson Moraes ត្រូវបានក្រុម Manchester City ហ៊ានចំណាយទឹកប្រាក់ដល់ទៅ ៣៣ លានផោន ដើម្បីនាំយកអ្នកចាំទីរូបនេះ។

ជាការពិតណាស់ Ederson ត្រូវបានគេសន្និដ្ឋានថា ការប្រកួត រូបគេបានបង្ហាញខ្លួនចុងក្រោយឲ្យ Benfica រួចហើយ ក្នុងជំនួបផ្តាច់ព្រ័ត្រ Portuguese Cup កាលពីថ្ងៃអាទិត្យកន្លងមក ព្រោះគេជឿជាក់ថា អ្នកចាំទីរូបនេះ នឹងចាកចេញមក Manchester City នាពេលខាងមុខនេះ។

Ederson អាចនឹងមក Man City ព្រោះរូបគេ អាចនឹងប្រជែងតំណែងជាមួយនឹង Claudio Bravo ក៍ថាបាន។