នេះគឺជារឿងដ៍ចម្លែកមួយ ដែលប្រធានក្រុមស្តេចស Real Madrid កីឡាករ Sergio Ramos មានបំណងចង់ឲ្យក្លិបបីសាចក្រហម Manchester United ទិញយក Antonie Griezmann ពីក្លិប Atletico Madrid ។

បើតាម Goal បានឲ្យដឹងថា ខ្សែការពារដ៍ឆ្នើមរបស់ក្រុមយក្ស Real Madrid គឺ​ Sergio Ramos សប្បាយចិត្តដែល Man Utd ទិញ Griezmann ប្រសិនបើខ្សែប្រយុទ្ធរូបនេះ ចាកចេញពី Atletico Madrid នោះ Real Madrid នឹងកាន់តែប្រសើរនៅ Laliga ។ Ramos បានបន្ថែមថា Griezmann គឺជាកីឡាករដ៍គ្រោះថ្នាក់មួយរូប ហើយប្រសិនបើរូបគេចាកចេញពី​ Atletico Madrid មែននោះ Laliga នឹងកាន់តែងាយស្រួលសម្រាប់ Real Madrid ក្នុងការដណ្តើម។

កីឡាកររូបនេះ បានបញ្ជាក់ទៀតថា ថ្វីបើ Barcelona គឺជាក្រុមប្រជែងសំខាន់បំផុតសម្រាប់ពួកគេ តែក្រុមផ្សេងទៀត ក៍ជាឧបសគ្គសម្រាប់ Real ផងដែរ ហើយអ្វីដែលសំខាន់គឺ វត្តមានរបស់ Griezmann នៅ Atletico Madrid ដែលវាបានបន្ថែមនូវក្រុមដ៍គ្រោះថ្នាក់សម្រាប់ Real Madrid ។

ដូច្នេះហើយ Ramos ជឿជាក់ថា ការទិញយក Griezmann ពីសំណាក់ Man Utd និងក្លាយជាចំណែកដ៍សំខាន់មួយ ដែលអាចធ្វើឲ្យ Real Madrid កាន់តែខ្លាំង និងអាចប្រជែងពាន Laliga បានយ៉ាងងាយជាមួយ Barcelona។