លោក Pep Guadiola អ្នកចាត់ការទូទៅរបស់ក្រុម Manchester City បសនប្រាប់ទៅកាន់សារពត៌មានជាច្រើនថា ក្រុម Manchester City នៅពេលនេះមិនទាន់ក្លាយជាក្រុមកំពូលនៅអឺរ៉ុបនៅឡើយទេ ប្រសិនបើចង់វិវឌ្ឍន៍ខ្លួនទៅរកក្រុមកំពូលនោះ ត្រូវរង់ចាំរយ:ពេល ១០ឆ្នាំទៅមុខទៀត។

ថ្វីបើក្រុម Manchester City ស្ថិតក្រោមការដឹកនាំរបស់លោក Pep Guadiola ដែលជាគ្រូបង្វឹកឆ្នើមធ្លាប់ដឹកនាំក្រុមកំពូលៗ នៅអឺរ៉ុបក៍ដោយ ក៍ក្រុមមួយនេះ មិនទាន់ឈានដល់កំពូលនៅឡើយទេន យោងទៅតាម ESPN reports បានឲ្យដឹងថា លោក Pep បានប្រាប់ទៅអ្នកសារពត៌មានអំពីបញ្ហា នៃការដឹកនាំក្រុម Manchester City ។ លោកបានបញ្ជាក់ថា៖ Man City នៅពុំទាន់អាចក្លាយជាក្រុមកំពូលនៅអឺរ៉ុប ដូចជា Real Madrid, Barcelona និង Bayern Munich បានឡើយ។ ជាការពិតណាស់ យើងគឺជាក្រុមថ្មី ដែលទើបតែឡើងជើង សមត្ថភាពនៅមានកម្រិតនៅឡើយ ដែលទាមទារឲ្យយើង ត្រូវពង្រឹងសមត្ថភាពបន្ថែមទៀត។

ទាក់ទងទៅនឹងការចោទសួរពីអ្នកសារពត៌មានថា៖ តើពេលណា ទើបលោក អាចធ្វើឲ្យក្រុម Man City ក្លាយជាក្រុមកំពូលដូចលោកធ្លាប់ដឹកនាំ Barcelona និង Bayern Munich? លោក Pep បានឆ្លើយថា៖ យើងត្រូវការរយ:ពេល ១០ឆ្នាំទៅមុខទៀត។ ជាការពិតណាស់ ១០ឆ្នាំទៅមុខទៀត ក្រុម Manchester City អាចមានការវិវឌ្ឍន៍ជាងមុនច្រើន ព្រោះថា តាមរយ:សមត្ថភាពរបស់លោក គួបផ្សំនឹងទេពកោសល្យកីឡាករឆ្នើមៗ ដែលលោកបណ្តុះ លោក ជឿជាក់ថា ក្រុម Manchester City អាចនឹងក្លាយជាក្រុមកំពូលនៅអឺរ៉ុបបាន។

យ៉ាងណាក៍ដោយ នេះគ្រាន់តែជាការរំពឹងទុករបស់លោក Pep Guadiola ប៉ុណ្ណោះ ខណះការពិតនៅពេលនេះ ក្រុម Manchester City មិនទាន់ទទួលបានពានណាមួយក្រោមការដឹកនាំរបស់លោក Pep Guadiola ឡើយ រយ:ពេល ១ឆ្នាំកន្លងមកនេះ។ ដូច្នេះហើយ តាមរយ:សម្តីលោក Pep ត្រូវបានគេជឿជាក់ថា ក្រុម Manchester City នឹងមានការវិវឌ្ឍន៍ទៅមុខច្រើន នៅពេលខាងមុខនេះ។