ក្រុមបាល់ទាត់ជម្រើសជាតិថៃ កាន់តែបង្ហាញសមត្ថភាព ល្អឡើងៗ ក្រោយពីយកឈ្នះក្រុម ប៉េឡារ៉ូស​ ក្នុងការប្រកួតវគ្គផ្តាច់ព្រ័ត្រ King Cup ក្នុងទឹកដី ក្លាយជាម្ចាស់ជើងឯក។

ថៃ បានបង្ហាញនូវសក្តានុពល នៃភាពរីកចម្រើនរបស់ពួកគេ ទៅកាន់ពិភពលោក ក្រោយពីក្លាយជាម្ចាស់ជើងឯក King Cup ២០១៧នេះ។ ថ្វីបើ ការប្រកួតនេះធ្វើឡើងក្នុងប្រទេសថៃមែន តែ ការយកឈ្នះក្រុមប៉េឡារ៉ូស យ៉ាងលំបាកដោយការទាត់បាល់ពិន័យ ១១ម៉ែត្រ ៥-៤ ក៍ដោយ នេះជាជ័យជម្នះមួយយ៉ាងត្រចះត្រចង់របស់ប្រជាជាតិថៃ។ ម្យ៉ាងវិញទៀត ប៉េឡារ៉ូស ក៍ជាក្រុមខ្លាំងកម្រិតមធ្យមរបស់អឺរ៉ុប សបញ្ជាក់ឲ្យឃើញថា កម្រិតបច្ចេកទេស នៃបាល់ទាត់របស់ថៃ អាចឈានជើងប្រឡូកក្នុងបាល់ទាត់លំដាប់ពិភពលោកបានហើយ បើទោះបីជាការលេងនៅមានកម្រិតក៍ដោយ។

ជ័យជម្នះនេះ អាចនាំឲ្យក្រុមជម្រើសជាតិថៃ បន្តការបង្កើតពានរង្វាន់ និងការប្រកួតមិត្តភាពអន្តរជាតិ ជាមួយនឹងជើងខ្លាំងអឺរ៉ុបបន្តទៀត ដើម្បីដកស្រង់បច្ចេកទេសលេងឲ្យកាន់តែប្រសើរថែមទៀត។

តោះមកទស្សនា វីដេអូ ការប្រកួតផ្តាច់ព្រ័ត្រ King Cup រវាងក្រុមជម្រើសជាតិថៃ និងប៉េឡារ៉ូស ទាំងអស់គ្នា៖