ក្រុមបាល់ទាត់ Muang Thong United បានឡើងមកឈរលេខ២ ក្នុងលីគកំពូលវិញហើយ បន្ទាប់ពីវាយបកយកឈ្នះលើក្រុម Super Power Samut Prakan ៩-១ ។

Muang Thong United ពិតជាធ្វើបានយ៉ាងល្អ ដោយអាចវាយបកយ៉ាងចាស់ដៃ យកឈ្នះលើក្រុម SPSP ក្នុងលទ្ធផល មិនគួរឲ្យជឿ។ ក្នុងការប្រកួតនេះ ក្រុម Super Power Samut Prakan បានរកគ្រាប់បាល់នាំមុខមុន តាំងពីនាទីទី១៣ ដោយកីឡាករ Madsoh ដែលបានធ្វើឲ្យក្រុមភ្ញៀវ មានគ្រាប់បាល់ស៊ុតចូលទីមុន។ បើទោះបីជា ក្រុមភ្ញៀវ បានដាក់សម្ពាធមុនមែន តែក្រុម Muang Thong មិនបណ្តោយឲ្យពេលវេលា រំកិលទៅមុខឥតប្រយោជន៍ឡើយ ដោយបានវាយបកវិញ យ៉ាងចាស់ដៃ ៩គ្រាប់បន្តបន្ទាប់គ្នា។ គួរបញ្ជាក់ផងដែរថា ៩គ្រាប់របស់ក្រុម Muang Thong រកបានដោយ កីឡាករ Assumpcao ៣គ្រាប់ នៅនាទីទី​២០, ៦៣ និង ៦៥, កីឡាករ Dangda ២គ្រាប់ នៅនាទីទី ៣៣ និង ៧១, កីឡាករ Heberty នៅនាទីទី ៤៧, កីឡាករ Kraisorn ២គ្រាប់ នាទីទី ៥៧ និង ៦៨, និងកីឡាករ Do នៅនាទីទី ៨២ ។

ឆ្លងកាត់ការប្រកួត ២៤ប្រកួត កន្លងមកនេះ ក្រុម Muang Thong មាន ៥២ ពិន្ទុឈរលេខ២ ក្នុងពូល ខណៈក្រុម Burriram United ឈរលេខ១ មាន ៥៦ពិន្ទុ។

https://www.youtube.com/watch?v=VB2YrwOb2MU