ក្រុមបាល់ទាត់ជើងខ្លាំងទាំងពីរ របស់ប្រទេសអេស្ប៉ាញ Real Madrid និង Barcelona កំពុងតែចាប់ផ្តើមស៊ីសាច់ហុតឈាមគ្នាជាថ្មីម្តងទៀតហើយ ខណៈលើកនេះ មិនមែនជាការប្រកួតទេ តែជាការប្រជែងគ្នាទិញកីឡាករទៅវិញ។

បើតាមការចុះផ្សាយរបស់ ESPN reports បានឲ្យដឹងថា ក្រុម Barcelona និង Real Madrid ចាប់ផ្តើម ប្រជែងគ្នាដណ្តើមយក Kylian Mbappe ពីក្រុម AS Monaco ។ ជាការពិតណាស់ ក្រុម Real Madrid តាមប្រមាញ់ Mbappe ជាយូរណាស់ មកហើយ ស្របពេលដែលកីឡាកររូបនេះ ក៍មានបំណងចង់មកកាន់ក្រុម Real Madrid ដែរ តែមិនទាន់ដល់ពេលនៅឡើយទេ ដោយសារតែក្រុម Monaco មិនទាន់សម្រេចចិត្តលក់ នៅឡើយ។

យ៉ាងណាវិញ សម្រាប់ក្រុម Barcelona ក៍បានចូលខ្លួន ក្នុងការលេង Game ប្រជែងទិញ Kylian Mbappe ជាមួយ Real Madrid ផងដែរ។ ជាក់ស្តែងណាស់ ប្រសិនបើ Neymar ចាកចេញមែននោះ ក្រុម Barcelona នឹងមិនបន្ធូរដៃឲ្យក្រុម Real Madrid ឡើយ ព្រោះថាក្លិបកំពូលមួយនេះ ក៍ពេញចិត្ត Mbappe ដែរ។ តាមរយៈការចូលខ្លួន មកប្រជែងរបស់ Barcelona នេះ សបញ្ជាក់ឲ្យឃើញថា មានក្លិបធំៗចំនួន៣ហើយ ដែលកំពុងតែប្រជែងគ្នាចង់បាន Kylian Mbappe ដែលមានដូចជាក្លិប Barcelona, Real Madrid និង Manchester City ។

ដូច្នេះហើយ តម្លៃខ្លួនរបស់ ខ្សែប្រយុទ្ធវ័យក្មេងបារាំង Kylian Mbappe អាចនឹងកើតឡើងបន្ថែមទៀត ដែលនៅពេលនេះ តម្លៃខ្លួនដែលកំពុងប្រជែង ប្រមាណជាជាង ១០០លានផោនហើយ។