ខ្សែប្រយុទ្ធឆ្នើម តម្លៃ ២២២លានអឺរ៉ូ Neymar ពិតជាមិនធ្វើ ឲ្យក្រុម Paris Saint Germain ខកបំណងឡើយ ក្នុងការបង្ហាញខ្លួនលើកដំបូងរបស់កីឡាកររូបនេះ។

ជាការពិតណាស់ ការទន្ទឹងរង់ចាំរបស់ អនកគាំទ្រ Paris Saint Germain ពិតជាពេញចិត្តយ៉ាងខ្លាំង ចំពោះទម្រង់លេងយ៉ាងល្អ របស់ខ្សែប្រយុទ្ធប្រេស៊ីល Neymar ដែលបានជួយឲ្យ PSG យកឈ្នះលើក្រុមម្ចាស់ផ្ទះ Guingamp ៣-០ ។ ក្នុងនោះដែរ Neymar រកគ្រាប់បាល់ បាន១គ្រាប់ និង បោះបាល់បាលឲ្យ មិត្តរួមក្រុមស៊ុតបាន១គ្រាប់។ គ្រាប់បាល់ទី១ កើតឡើង នៅនាទីទី ៥២ ដោយការស៊ុតចូលទីខ្លួនឯងរបស់កីឡាករ Ikoko ខណះគ្រាប់ទី២ រកបាននៅនាទីទី ៦២ ដោយ Cavani តាមរយៈការបញ្ជូនបាល់ ពីសំណាក់ Neymar និងគ្រាប់ទី៣ រកបានដោយ Neymar នៅនាទីទី ៨២។

ដូច្នេះហើយ ការបង្ហាញខ្លួន លើកដំបូងរបស់ Neymar ពិតជាល្អខ្លាំងណាស់ សម្រាប់ក្រុម Paris Saint Germain ដែលធ្វើឲ្យ អ្នកគាំទ្រទាំងអស់ មិនខកបំណងឡើយ សម្រាប់ការទន្ទឹងរង់ចាំទស្សនា ការបង្ហាញខ្លួន របស់កីឡាករតម្លៃថ្លៃរូបនេះ។

តោះមកទស្សនា ការស៊ុតបញ្ចូលទី និងការ assist របស់ Neymar កាលពីយប់មិញនេះ៖

https://www.youtube.com/watch?v=i0nHySd9CCU