ក្រុមបាល់ទាត់ចំណូលថ្មី Huddersfield Town បានបន្តរក្សាសំណាញ់ទីយ៉ាងល្អ ដោយមិនឲ្យគូប្រកួត ទាត់បញ្ចូលទីបានឡើយ។

ជាក់ស្តែងណាស់ ក្នុងការប្រកួតជាមួយក្រុមចំណូលថ្មីដូចគ្នា Newcastle United កាលពូយប់មិញនេះ ក្រុម Huddersfield Town នៅតែធ្វើបានយ៉ាងល្អដដែល។ ក្នុងនោះដែរ ក្រុមចំណូលថ្មីមួយនេះ បានយកឈ្នះលើក្រុមភ្ញៀវ Newcastle ១-០ ក្នុងការប្រកួតសប្តាហ៍ទី២ នាក្របខ័ណ្ឌ Premier League ។ ១គ្រាប់របស់ក្រុមម្ចាស់ផ្ទះ Huddersfield រកបានដោយកីឡាករ Mooy នៅនសទីទី​ ៥០ ដោយរក្សាគ្រាប់បាល់នេះរហូតដល់ចប់ ៩០នាទីពេញ។ ឆ្លងកាត់ការប្រកួតនេះ ក្រុម Huddersfield បានឈ្នះការប្រកួត ២ប្រកួតជាប់ៗគ្នាហើយ ដោយស៊ុតបាន ៤គ្រាប់ និងមិនទាន់មានការធ្លាយវិញមួយគ្រាប់ណាឡើយ ដោយមាន ៦ពិន្ទុក្នុងដៃ។

យ៉ាងណាវិញ ក្រុមចំណូលថ្មីមួយនេះ នៅមិនទាន់ជួបក្រុមខ្លាំងៗ នៅ Premier League នៅឡើយទេ។ ប្រសិនបើក្រុម Huddersfield អាចបន្តឈ្នះការប្រកួតបែបនេះ បន្តទៀត ឬអាចយកឈ្នះ​ ឬស្មើក្រុមជើងខ្លាំង ដូចជា Arsenal, Chelsea, Liverpool, Tottenham, Man City និង Man Utd នោះ នោះពាន Premier League អាចនឹងមានការប្រែប្រួល ដូចជំនាន់ Leicester City កាលពីឡើងមកកាន់ Premier League ដំបូង ក្នុងរដូវកាល ២០១៥-២០១៦ ក៍ថាបាន។

ដូច្នេះហើយ រង់ចាំមើលថា តើក្រុម Huddersfield Town អាចបង្កើតកំណត់ត្រាថ្មីនៅ Premier League ឬក៍យ៉ាងណា ដោយរង់ចាំតានដានទាំងអស់គ្នា នៅសប្តាហ៍បន្តបន្ទាប់ទៀត។