ក្រោយពីលក់ Ousmane Dembele ទៅឲ្យក្រុម Barcelona រួចមកក្រុម Dortmund បានទិញយកកីឡាករអ៊ុយក្រែន Andriy Yarmolenko ពីក្រុម Dynamo Kiev ក្នុងតម្លៃ​ ៣០លានអឺរ៉ូវិញភ្លាមៗ។

Goal បានចុះផ្សាយភ្លាមៗ បន្ទាប់ពីក្រុម Dortmund បានលក់ Dembele ជាផ្លូវការទៅឲ្យក្រុម Barcelona ខណៈក្រុមជើងខ្លាំងអាឡឺម៉ង់មួយនេះ បាននាំយកកីឡាករវ័យ ២៧ឆ្នាំ Andriy Yarmolenko ពីក្រុម Dynamo Kiev ក្នុងតម្លៃ ៣០លានអឺរ៉ូ។ ក្នុងនោះដែរ កីឡាករចំណូលថ្មីរូបនេះបានពាក់អាវលេខ ៩ នៅក្រុម Dortmund ផងដែរ។ Andriy Yarmolenko បានចុះកុងត្រាជាមួយក្រុម Dortmund រយៈពេល ៤ឆ្នាំ ដែលកីឡាកររូបនេះ អាចជួយក្រុមបានច្រើន ក្នុងតំបន់ប្រយុទ្ធនារដូវកាលនេះ។ យ៉ាងណាវិញ ស់ម្រាប់ក្រុម Dortmund ជឿជាក់ថា Andriy Yarmolenko នឹងក្លាយជាកីឡាករចំណូលថ្មី ប្រកបទៅដោយសមត្ថភាព មិនចាញ់ Ousmane Dembele ឡើយ។ ម្យ៉ាងវិញទៀត ខ្សែប្រយុទ្ធស្លាបរូបនេះ បានជួយក្រុម Dynamo Kiev ឲ្យឈ្នះពានកំពូលនៅអ៊ុយក្រែន ៣រដូវកាលកន្លងមកហើយ។

ដូច្នេះហើយ Andriy Yarmolenko អាចធ្វើឲ្យក្រុម Dortmund ប្រសើរជាងមុនជាក់ជាមិនខាន ព្រោះថាសមត្ថភាព និងបទពិសោធន៍របស់ កីឡាកររូបនេះ ល្មមអាចជួយក្រុម Dortmund បាន។ ម្យ៉ាងវិញទៀតនោះ Dortmund នឹងប្រើប្រាស់ Andriy Yarmolenko ដើម្បីមកជំនួសតំណែង Ousmane Dembele ក្នុងការប្រកួតចុងសប្តាហ៍នេះ។