សម្រាប់ឆ្នាំ ២០១៧នេះ ចំណាត់​ថ្នាក់​ក្លឹប​បាល់ទាត់​មាន​លុយ​ច្រើន​ជាង​គេ​ក្នុង​ពិភពលោក​របស់​ទស្សនាវដ្ដី Forbes បាន​បញ្ចេញ​ឲ្យ​ដឹង​ហើយ ស្របពេលដែលក្រុមបីសាចក្រហម Manchester United នៅតែរក្សាកំពូលតារាង ដដែល​។​​

ថ្វីបើក្រុមបីសាចក្រហម Manchester United ជាក្រុមមិនឈ្នះពាន Premier League និងមិនបានលេងនៅក្របខ័ណ្ឌ UEFA Champion League រដូវកាលមុនក៍ដោយ តែក្រុមមួយនេះនៅតែរក្សាកំពូលតារាង នៃក្រុមដែលមានលុយច្រើនជាងគេដដែល។ ជាការពិតណាស់ Man Utd បានឈរលើក្រុម Barcelona និង Real Madrid និង Bayern Munich ដែលសុទ្ធសឹងជាក្រុមដែលស្ថិតក្នុងកំពូលតារាង ដែលរកចំណូលបានច្រើនជារៀងរាល់ឆ្នាំ។

ការ​បែង​ចែក​ចំណាត់​ថ្នាក់​បាន​ល្អ​ ក៏​ព្រោះ​តែ​សិក្សា​ទៅ​លើ​ចំណូល​របស់​ក្លឹប​នីមួយៗ​ក្នុង​ការ​លក់​សិទ្ធ​ផ្សាយ​តាម​ ទូរទស្សន៍​ ​តម្លៃ​ក្នុង​ទីផ្សា​របស់​ក្លឹប​នីមួយ​ៗ ​និង​ចំណូល​មួយ​ចំនួន​ទៀត។

ក្លឹប​ទាំង១០​ដែល​មាន​លុយ​ច្រើន​ជាង​គេ​​គឺ៖
១០- Tottenham Hotspur (England) ៩៤៩លានអឺរ៉ូ
៩- Juventus (Italy) ១.១២ពាន់​លាន​អឺរ៉ូ
៨- Liverpool (England) ១.៣៣​ពាន់​លាន​អឺរ៉ូ
៧- Chelsea (England) ១.៦៥​ពាន់​លាន​អឺរ៉ូ
៦- Arsenal (England) ១.៧២ពាន់​លាន​អឺរ៉ូ
៥- Manchester City (England) ១.៨៥​ពាន់​លាន​អឺរ៉ូ
៤- Bayern Munich (Germany) ២.៤២ពាន់លាន​អឺរ៉ូ
៣- Real Madrid (Spain) ៣.១៩ពាន់​លាន​អឺរ៉ូ
២- Barcelona (Spain) ៣.២៥ពាន់​លាន​អឺរ៉ូ
១- Manchester United (England) ៣.២៩​ពាន់​លាន​អឺរ៉ូ