ចុងក្រោយនេះ ក្រុមហង្សក្រហម Liverpool បានយល់ព្រមលក់ខ្សែបម្រើប្រយុទ្ធប្រេស៊ីល Philippe Coutinho ឲ្យក្រុមយក្សអេស្ប៉ាញ Barcelona ហើយ។

តាមរយៈការចុះផ្សាយភ្លាមៗ របស់ Yahoo Sports បានឲ្យដឹងថា Liverpool បានសម្រេចលក់ Coutinho ឲ្យក្រុម Barcelona ក្នុងតម្លៃ ១៦០លានអឺរ៉ូ ហើយ។ ក្នុងនោះដែរ តាមរយៈ Twitter ផ្ទាល់របស់កីឡាករ Philippe Coutinho កីឡាកររូបនេះ បានបង្ហោះសារដ៍ខ្លីមួយថា នៅមុនរដូវក្តៅត្រូវបញ្ចប់ រូបគេនឹងក្លាយជាកីឡាកររបស់ក្រុម Barcelona ។ ម្យ៉ាងវិញទៀត សម្រាប់ក្លិបហង្សក្រហម Liverpool វិញ ក៍បានសម្រេចលក់ Coitinho ឲ្យក្រុម Barcelona ដែរ ព្រោះថា Liverpool មិនមានបញ្ហាចោទ ក្រោយលក់ កីឡាករប្រេស៊ីល វ័យ ២៥ឆ្នាំនេះឡើយ។ យ៉ាងណាវិញ ការយល់ព្រមនេះ ទំនងជាមានការដោះដូរក្នុងពេលដ៍ខ្លីនេះ ខណៈរដូវកាលដោះដូរ នឹងបញ្ចប់នៅថ្ងៃស្អែកនេះផងដែរ។

គួរបញ្ជាក់ផងដែរថា ក្រុម Liverpool បានលេងល្បែង កេញចំណេញពេលវេលា ជាមួយ Barcelona យូរមកហើយ ដោយបដិសេធ មិនព្រមលក់ ដល់ជិតបញ្ចប់ការដោះដូរ ទើបព្រមលក់។ ដូច្នេះហើយ Barcelona នឹងទទួលបាន កីឡាករឆ្នើមៗ ២រូបមុនបញ្ចប់រដូវក្តៅនេះ រួមមានដូចជា Ousmane Dembele និង Philippe Coutinho ។