ក្រុមតោខៀវ Chelsea បានត្រៀមខ្លួនរួចរាល់ហើយ ក្នុងការចុះកុងត្រាថ្មីជាមួយខ្សែបម្រើប្រយុទ្ធ Eden Hazard នៅក្នុងពេលដ៍ខ្លីខាងមុខនេះ ដើម្បីធានាអនាគត់កីឡាកររូបនេះ នៅអង់គ្លេស ជាបន្តទៀត។
បើតាមការចុះផ្សាយរបស់ The Sun បានឲ្យដឹងថា លោក Antonio Conte អ្នកចាត់ការក្រុមតោខៀវ Chelsea កំពុងតែរៀបចំលួងលោម Eden Hazard ឲ្យយល់ព្រមបន្តកុងត្រាថ្មីជាមួយ Chelsea ។ ជាការពិតណាស់ ការធ្វើបែបនេះ លោក Conte មានបំណងចង់រក្សាទុកខ្សែបម្រើប្រយុទ្ធប៊ែលហ្ស៊ិករូបនេះ កុំឲ្យចាកចេញពីក្លិបទៅកាន់ ក្រុមយក្សអេស្ប៉ាញ Real Madrid ។ ក្នុងនោះដែរ ប្រសិនបើ Hazard បន្តកុងត្រាថ្មីជាមួយ Chelsea មែននោះ កីឡាកររូបនេះ នឹងក្លាយជាកីឡាករ ដែលមានតម្លៃពលកម្មខ្ពស់ជាងគេបំផុតនៅ Chelsea ពោលគឺ Hazard នឹងទទួលបាន ៣០ម៉ឺនផោនក្នុងមួយសប្តាហ៍។ យ៉ាងណាវិញ Hazard មានបំណងចង់ផ្លាស់ទៅកាន់ Real Madrid យ៉ាងខ្លាំង។
ម្យ៉ាងវិញទៀតនោះ ក៍ធ្លាប់មានពត៌មានជាច្រើន បានចុះផ្សាយថា កីឡាករឆ្នើមរូបនេះ បានត្រៀមខ្លួនរួចហើយ ក្នុងការទៅចូលរួមជាមួយ Real Madrid ខណៈ លោក Conte កំពុងតែត្រៀមធ្វើគ្រប់បែបយ៉ាងដើម្បីរក្សា Eden Hazard កុំឲ្យចាលចេញពីអង់គ្លេស។
មតិយោបល់