លោក Park Hang-seo ដែលជាគ្រូបង្វឹកថ្មីបានកំណត់គោលដៅនៃការដឹកនាំក្រុមជម្រើសជាតិវៀតណាម ឲ្យបានឈានដល់ចំណាត់ថ្នាក់កំពូល top 100 នៅក្នុងចំណាត់ថ្នាក់របស់ FIFA world ranking នៅមុនពេលដែលកិច្ចសន្យារបស់គាត់ត្រូវបានបញ្ចប់។

គ្រូកូរ៉េខាងត្បូងនេះ បាននិយាយថា៖ “ខ្ញុំមិនមានព័ត៌មានច្រើនអំពីកីឡាបាល់ទាត់វៀតណាមទេ នេះជាពេលដែលខ្ញុំបានដឹងអំពីវាជាលើកដំបូង។ ប៉ុន្តែខ្ញុំបានធ្វើការស្រាវជ្រាវនៅក្នុងព្រឹត្តការណ៍មួយចំនួនវៀតណាមប្រកួត ហើយខ្ញុំបានអង្កេតមើលការប្រកួតជម្រុះរវាងវៀតណាមនិងកម្ពុជាកាលពីថ្ងៃពុធដែរ»។ លោកបានបញ្ជាក់ថា៖ «គោលដៅរបស់ខ្ញុំគឺចង់ជួយវៀតណាមឈានដល់ចំណាត់ថ្នាក់កំពូលទាំង ១០០ នៅក្នុងចំណាត់ថ្នាក់ FIFA world ranking មុនចុងបញ្ចប់នៃអាណត្តិរបស់ខ្ញុំ»។

កាលពីថ្ងៃពុធគ្រូកូរ៉េបានចុះកិច្ចសន្យារយ:ពេល ២ឆ្នាំ ជាមួយសហព័ន្ធកីឡាបាល់ទាត់វៀតណាម (VFF) នៅទីក្រុងហាណូយ។ បន្ទាប់ពីនោះគាត់នឹងត្រលប់ទៅស្រុកកំណើតវិញដើម្បីបញ្ចប់ការងារគ្រូបង្វឹកជាមួយ Changwon FC នៅ K3 League រហូតដល់ថ្ងៃទី ២៣ ខែតុលា៕