ព័ត៌មានកីឡា

David Moyes ត្រៀមមកកាន់ Everton វិញ

អតីតគ្រូបង្វឹកក្រុម បាល់ទាត់ Everton លោក David Moyes កំពុងតែស្ថិតក្នុងការជ្រើសរើសឲ្យមកដឹកនាំ ក្រុម Everton​ ឡើងវិញ បន្ទាប់ពីលោក Ronald Koeman ដឹកនាំក្លិបមិនបានល្អ ឡើយនៅរដូវកាលនេះ។

បើតាមការឲ្យដឹងពី Sky Sports លោក​ David Moyes កំពុងតែស្ថិតក្នុងក្រសែភ្នែក របស់ក្រុម Everton ក្នុងការយកលោក ទៅដឹកនាំក្លិបវិញ។ ជាក់ស្តែងណាស់ លោក Moyes កំពុងតែជាទីចាប់អារម្មណ៍ យ៉ាងបន្ទាប់ពីលោក Ronald Koeman ដឹកនាំក្រុម Everton មិនបានល្អឡើយ នៅការចាប់ផ្តើមរដូវកាលនេះ ទាំងនៅ Premire League និង Champion League ។ គួរបញ្ជាក់ផងដែរថា លោក David Moyes បានចាកចេញពី Everton កាលពីឆ្នាំ ២០១៣ ដើម្បីទៅដឹកនាំក្រុមបីសាចក្រហម Manchester United បន្តតំណែងពីលោក Sir Alex Ferguson ។

ក៍ប៉ុន្តែ ការដឹកនាំនៅ Man Utd មិនបានធ្វើឲ្យលោក​ Moyes ទទួលជោគជ័យ ឡើយ ដែលធ្វើឲ្យលោក ត្រូវបណ្តេញចេញ នៅ១ឆ្នាំបន្ទាប់។ យ៉ាងណាវិញ ក្រុម Everton បានយកគម្រូតាម ក្រុម Bayern Munich ដែលយកគ្រូបង្វឹកចាស់មកកាន់ក្លិបវិញ ដោយទទួលបាន​ជោគជ័យយ៉ាងត្រចះត្រចង់ ដោយត្រៀមជ្រើសយកលោក​​ David Moyes មកដឹកនាំក្រុមវិញ។ កាលពីជំនាន់លោក Moyes ដឹកនាំក្រុម Everton ក្លិបអង់គ្លេសមួយនេះ មិនដែលខកខានក្នុងការលេង នៅពានអឺរ៉ុបឡើយ ព្រមទាំងចំណាត់ថ្នាក់មិនលើសពីលេខ៨ក្នុងតារាងឡើយ។

ដូច្នេះហើយ ការជ្រើសយកលោក David Moyes មកដឹកនាំ Everton វិញ ជំនួសលោក Ronald Koeman អាចជាការជ្រើសរើសត្រឹមត្រូវ សម្រាប់ក្រុមដែល​កំពុងតែត្រដាបត្រដួសមួយនេះ។

មតិយោបល់