ក្រុម Air Force Club របស់អ៊ីរ៉ាក់ បានឈ្នះពានរង្វាន់ AFC Cup ជាលើកទី ២ បន្ទាប់ពីទទួលជ័យជម្នះ ១-០ លើក្រុម FC Istiklol របស់ប្រទេសតាជីគីស្ថានកាលពីថ្ងៃសៅរ៍។

ក្រុមបរបស់អ៊ីរ៉ាក់ មានឱកាសម្តងនៅនាទីទី ៨ បន្ទាប់ពីចាប់ផ្តើមនៅវគ្គទី១ ដែលពួកគេត្រូវបានទទួលបាល់ពិន័យដោយបាល់ប៉េណាល់ទី ប៉ុន្តែការស៊ុតរបស់កីឡាករ Hammadi Ahmed ត្រូវអ្នកចាំទី Nikola Stosic ជួយសង្គ្រោះបានសម្រេច។ ទោះបីជាការប្រកួតវគ្គទី១ បានបញ្ចប់សោកស្តាយ ប៉ុន្តែឈានចូលដល់វគ្គទី២ កីឡាករ Emad Mohsin បានស៊ុតបាល់បញ្ចូលទី ១គ្រាប់ នៅនាទីទី ៦៨ ដែលជាគ្រាប់ជ័យជម្នះសម្រាប់ក្លឹប Air Force Club។

ក្រុមមកពីអ៊ីរ៉ាក់បានក្លាយ ជាក្រុមទីបីក្នុងប្រវត្តិសាស្ត្រដែលបានការពារពានរង្វាន់ AFC Cup ហើយទទួលបានជោគជ័យ ដូចជាក្រុមពីរផ្សេងទៀតរួមមាន Al Faisaly មកពីហ្ស៊កដានី (២០០៥, ២០០៦) និង Al Kuwait (២០១២, ២០១៣) ខណៈដែល Air Force Club (២០១៦, ២០១៧)៕