ក្រុមបាល់ទាត់កំពូលនៅអឺរ៉ុប Real Madrid កំពុងតែសម្លឹងឃើញកូនប្រុសរបស់ កំពូលខ្សែប្រយុទ្ធឆ្នើម Cristiano Ronaldo ដើម្បូយកមកហ្វឹកហាត់ លេងក្នុងឈុតយុវជនរបស់ក្លិបអេស្ប៉ាញមួយនេះ។

តាមរយៈការចូលទីលានហ្វឹកហាត់ ជាមួយនឹងឪពុក នៅទីលានហ្វឹកហាត់របស់ក្រុម Real Madrid រួចមក កុមារវ័យ ៧ឆ្នាំ Ronaldo JR ទទួលបានការចាប់អារម្មណ៍​យ៉ាងខ្លាំងពីសំណាក់ ក្រុមអធិរាជស Real Madrid ។ តាមការឲ្យដឹង របស់ Daily Mail បានឲ្យដឹងថា Ronaldo JR ពិតជាស្លឹកឈើ ជ្រុះមិនឆ្ងាយពីគល់មែន ដែលកុមារតូច​រូបនេះ មានលទ្ធភាព លើសកុមារផ្សេងៗ ដែលមាន័យស្របាលគ្នា។ ជាការពិតណាស់ តារាឆ្នើមវ័យ ៣២ឆ្នាំ​ Cristiano Ronaldo មិនបានទៅចូលរួមការប្រកួតមិត្តភាព ជាមួយក្រុមជម្រើសជាតិព័រទុយហ្គាល់ឡើយ ដោយកីឡាកររូបនេះ ត្រូវបានក្រុមជម្រើសជាតិឲ្យសម្រាក ត្រៀម ព្រឹត្តិការណ៍ World Cup ឆ្នាំក្រោយ។ ដោយហេតុនេះហើយ Ronaldo បាននាំកូនប្រុសរបស់គេ Ronaldo JR ទៅកាន់ទីលានហ្វឹកហាត់របស់ Real Madrid ដើម្បីហ្វឹកហាត់រួមគ្នា។

ក្នុងនោះដែរ​ Ronaldo JR ពិតជាបងហាញសមត្ថភាព បានយ៉ាងល្អ ដែលធ្វើឲយមានការចាប់អារម្មណ៍យ៉ាងខ្លាំង ពីសំណាក់​ក្រុម Real Madrid ដែលមានបំណងចង់បានកុមារវ័យ ៧ឆ្នាំរូបនេះ យកទៅបណ្តុះបណ្តាល ក្នុងថ្នាលយុវជនរបស់​ក្លិប។ ក៍ប៉ុន្តែ អ្វីគ្រប់យ៉ាង ត្រូវសម្រេចលើ ឪពុករបស់គេ Cristiano Ronaldo ថាយល់ព្រម​ ឬយ៉ាងណា ព្រោះថា តាម Daily Mail ដដែល បានឲ្យដឹងថា Ronaldo ចង់ឲ្យកូនប្រុសរបស់គេ បណ្តុះបណ្តាលនៅ ព័រទុយហ្គាល់ ច្រើនជាងនៅ Real Madrid ។