បន្ទាប់ពីមាន ការចាប់អារម្មណ៍ពីក្រុមធំៗ ដែលចង់បានខែបម្រើប្រយុទ្ធ ប៊ែលហ្ស៊ិក Eden Hazard រួចមក បានធ្វើឲ្អនាគត់របស់កីឡាកររូបនេះ នៅមិនទាន់ច្បាស់ ជាមយនឹងក្រុមតោខៀវ Chelsea ឡើយ។

យ៉ាងណាវិញ បើតាមការចុះផ្សាយរបស់ Independent បានឲ្យដឹងថា Eden Hazard មិនទាន់ចង់ចាកចេញ ពីក្រុមតោខៀវ Chelsea ឡើយ ដោយរូបគេកំពុតែផ្តោត លើការដណ្តើមពាន នៅឆ្នាំនេះសិន។ ជាការពិតណាស់ Hazard បានចេញមុខ មកបកស្រាយ ជុំវិញពាក្យចរចាម​អារាមនាពេលកន្លងមកថា រូបគេនឹងមិនចាកចេញ ពីក្រុម​តោខៀវ Chelsea នៅរដូវកាលនេះទេ។

មូលហេតុដែលរូប​គេ មិនទាន់ចង់ចាកចេញពី Stamford Bridge នោះដោយសារ តែ Hazard នៅបន្តជួយក្រុមតោខៀវ Chelsea ក្នុងការប្រជែងពានឆ្នាំនេះសិន ទាំងពាននៅ​អង់គ្លេស និងនៅ Champion League ។ Hazard បានឲ្យដឹងបន្ថែមទៀតថា ចាំចប់រដូវកាលនេះសិន ទើបរូបគេ​អាចដឹងច្បាស់ ពីអនាគត់ ដែលត្រូវបន្ត ឬចាកចេញទៅកាន់ក្លិបថ្មីនោះ។ ក្នុងនោះដែរ ខ្សែបម្រើ​ប្រយុទ្ធប៊ែលហ្ស៊ិករូបនេះ នៅមានក្តីប្រាថ្នាមួយទៀត ក្នុងរដូវកាលនេះ គឺការឈ្នះពាន ជាមួយក្រុម Chelsea ជាពិសេសនោះ Champion League ដែលជាពានដ៍ធំ​នៅ ទ្វីបអឺរ៉ុប។

ដូច្នេះហើយ Eden Hazard និយាយយ៉ាងច្បាស់ថា រដូវកាលនេះ រូបគេជាកីឡាកររបស់​តោខៀវ Chelsea សម្រាប់រដូវកាលក្រោយ កុំទាន់និយាយ ព្រោះថា ចាំដល់ពេលនោះសិន ចាំនិយាយគ្នាទៀត។