បន្ទាប់ពីការចំណាយលុយយ៉ាងច្រើនសន្ធឹកសន្ធាប់កាលពីរដូវក្តៅកន្លងមក នៅរដូវក្តៅក្រោយនេះ ក្រុម Paris Saint Germain បានដក់គោលដៅនាំយកកីឡាករស៊ែប៊ីមួយរូបទៀត ក្នុងតម្លៃកប់ពពក ពីក្រុម Lazio ។
នេះគឺជារឿងដ៍ភ្ញាក់ផ្អើលថ្មីមួយទៀត សម្រាប់ក្រុម Paris Saint Germain ដែលចូលចិត្តចំណាយលុយច្រើនសន្ធឹកសន្ធាប់ដើម្បីកីឡាករដែលពួកគេចង់បាន ដោយមិនខ្លាចរងការរិះគន់ពីសំណាក់បណ្តាញសង្គមឡើយ។ ជាក់ស្តែងណាស់ នៅរដូវក្តៅក្រោយនេះ ក្រុម Paris Saint Germain បានត្រៀមនូវទឹកប្រាក់ប្រមាណជា ១៥០លានផោន ស្មើ១៧០លានអឺរ៉ូ ដើម្បទិញយកខ្សែបម្រើស៊ែប៊ីវ័យ ២២ឆ្នាំ Sergej Milinkovic-Savic ពីក្រុម Lazio ។
ការចំណាយលុយយ៉ាងច្រើមបែបនេះ បានធ្វើឲ្យក្រុម សេះបង្កង់ Juventus និងក្រុមបីសាចក្រហម Manchester United ដកខ្លួនចេញ ដោយមិនបន្តប្រជែងដណ្តើមយក Sergej Milinkovic-Savic ជាមួយក្រុម Paris Saint Germain ឡើយ។ គួរបញ្ជាក់ផងដែរថា ក្រុម Paris Saint Germain បានចាយលុយធំ លើកីឡាករ២រូបមកហើយ កាលពីរដូវក្តៅកន្លងមក ដោយទី១ចាយលើ Neymar ផ្ទេរចេញពីក្រុម Barcelona ក្នុងតម្លៃ ២២២លានអឺរ៉ូ និង Kyian Mbappe ពីក្រុម AS Monaco ក្នុងតម្លៃ ១៧០លានអឺរ៉ូ ខណ:រដូវក្តៅក្រោយនេះ ក្រុម អ្នកមានបារាំងមួយនេះ ត្រៀម ១៧០លានអឺរ៉ូបន្ថែមទៀត ក្នុងការទិញយក Sergej Milinkovic-Savic ពី Lazio ។
ប្រភពខាងលើដដែលបញ្ជាក់ទៀតថា ក្រុម Paris Saint Germain ចង់ទិញ Sergej Milinkovic-Savic នៅខែមករានេះ តែដោយសារខ្លាចរងការពិន័យពី FIFA ទាក់ទងនឹងការចំណាយលើសចំណូល ទើបធ្វើឲ្យក្លិបបារាំងមួយនេះពន្យាពេលដល់រដូវក្តៅក្រោយវិញ។
មតិយោបល់