រដូវកាលនេះ អាចនឹងត្រូវបញ្ចប់តំណែងរបស់លោក Antonio Conte ក្នុងការដឹកនាំក្រុមតោខៀវ Chelsea ខណៈបេក្ខភាពគ្រូបង្វឹកឆ្នើម២រូបផ្សេងទៀត កំពុងត្រៀម​មកជំនួសតំណែងនេះ។

បើតាមករចុះផ្សាយរបស់ Daily Mail បានឲ្យដឹងថា បើសិនជារដូវកាលនេះ ក្រុមតោខៀវ មិនអាចឈ្នះពានណា​មួយទេនោះ លោក Antonio Conte នឹងត្រូវបណ្តេញចេញពីក្លិបជាក់ជាមិនខាន។ ក្នុងនោះដែរ គ្រូបង្វឹករបស់ក្រុមសេះបង្កង់ Juventus លោក Massimiliano Allegri និងអតីតគ្រូបង្វឹករបស់ក្រុម Barcelona លោក Luis Enrique កំពុងត្រូវបាននាយក្លិបតោខៀវ Chelsea លោក Abramovic ចាប់អារម្មណ៍យកមកជំនួសតំណែងលោក Conte ។

ជាក់ស្តែងណាស់ នេះគឺជាទម្លាប់ស្រាប់ទៅ​ហើយ​របស់ក្រុមតោខៀវ Chelsea ដែលតែងតែប្តូរគ្រូបង្វឹកចេញ នៅពេលដែលក្លិប មិនទទួលបានជោគជ័យក្នុងរដូវកាល​ណាមួយ បើទោះបីជាគ្រូបង្វឹកនោះ ធ្លាប់ជួយ Chelsea ឲ្យឈ្នះពានក៍ដោយ។ យ៉ាងណាវិញនោះ បើសម្លឹងមើល​ទៅលើការដឹកនាំរបស់លោក Conte នាពេលច្ចុប្បន្ននេះ បង្ហាញឲ្យឃើញថា Chelsea មិនទាន់ធ្លាក់ទម្រង់លេងឡើយ ក៍ប៉ុន្តែ ដោយសារតែក្រុម​នៅ Premier League នាពេបច្ចុប្បន្ននេះ មានការប្រែប្រួលច្រើន ជាហេតុធ្វើឲ្យ​ Chelsea មិនងាយស្រួលឡើយ ក្នុងការប្រជែងពាន។

ចំណែកនៅ Champion League វិញ Chelsea ត្រូវប្រឈមជាមួយក្រុម Barcelona ដែលនេះ គឺជារឿងដ៍​លំបាកមួយសម្រាប់តំណែងរបស់លោក Antonio Conte ដែរ។ យ៉ាងណាវិញនោះ នេះគ្រាន់ជាពាក្យចរចាមអារាម​ប៉ុណ្ណោះ ខណៈការពិតនៅមិនទាន់ដឹងច្បាស់នៅឡើយទេ ដោយត្រូវរង់ចាំតាមដានទាំងអស់គ្នាបន្តទៀត។

Massimiliano Allegri និង Luis Enrique Antonio Conte