ក្រុមកាំភ្លើងធំ Arsenal បានធ្វើឲ្យមានការភ្ញាក់ផ្អើលជាថ្មីម្តងទៀត ក្នុងការទម្លាក់​ក្រុមតោខៀវ Chelsea នៅវគ្គពាក់កណ្តាលផ្តាច់ព្រ័ត្រ ដើម្បីមកជួបក្រុម Man City នៅវគ្គផ្តាច់ព្រ័ត្រ Carabao Cup ។

ជាក់ស្តែងណាស់ Arsenal បានយកឈ្នះ Chelsea ២-១ នៅ Emirates ដើម្បីកក់កៅអីផ្តាច់ព្រ័ត្រជាមួយក្រុមដែលឈរចាំស្រាប់ Man City ។ ក្នុងនោះដែរ​ក្រុមតោខៀវ Chelsea រកបាន១គ្រាប់មុន ដែលស៊ុតបញ្ចូលទីដោយខ្សែបម្រើ​ប្រយុទ្ធឆ្នើម Eden Hazard នៅនាទីទី៧ ក៍ប៉ុន្តែ ត្រូវបានតាមស្មើមកវិញ នៅនាទីទី ១២ ដោយការស៊ុតបញ្ចូលទីខ្លួនឯងរបស់កីឡាករ Antonio Ruediger ដែលធ្វើឲ្យបញ្ចប់តង់ទី១ ក្រុមទាំង២ រក្សលទ្ធផលស្មើគ្នាក្នុងលទ្ធផល ១-១ ។

យ៉ាងណាវិញ ឈានចូលដល់តង់ទី២ ក្រុមកាំភ្លើងធំ Arsenal បានបន្តការ​វាយលុកយ៉ាងខ្លាំងក្លា លើក្រុម Chelsea ដោយអាចរកគ្រាប់បាល់បន្ថែម១គ្រាប់​ទៀត នៅនាទីទី៦០ ដែលជាស៊ុតរបស់កីឡាករ Granit Xhaka ហើយកឭ៍ជាគ្រាប់បាល់ជ័យជម្នះរបស់ Arsenal ក្នុងការទម្លាក់ Chelsea នៅវគ្គ ពាក់កណ្តាលផ្តាច់ព័ត្រ Carabao Cup ផងដែរ។

ដូច្នេះហើយ​ ក្រុមកាំភ្លើងធំ Arsenal បានឡើងទៅកាន់វគ្គផ្តាច់ព្រ័ត្រ Carabao Cup ដោយត្រូវជួបក្រុមខ្លាំង Manchester City ខណៈក្រុមតោខៀវ Chelsea ត្រូវហាលអាវត្រឡប់មកវិញ ក្រោយពីចាញ់ ក្នុងលទ្ធផលសរុបទាំង២ជើង ២-១។

https://www.youtube.com/watch?v=rlkUvIO22-c