Danilo អ្នកចាំទីរបស់ក្រុម Chapecoense ដែលបានស្លាប់ក្នុងគ្រោះថ្នាក់ធ្លាក់យន្ដហោះនៅកូឡុំប៊ី បានជាប់ឈ្មោះជាកីឡាករល្អជាងគេនៅប្រេស៊ីល ក្រោយពីទទួលបានការបោះឆ្នោតច្រើនជាងគេ។
អ្នកចាំទីវ័យ៣១ឆ្នាំខាងលើនេះ ជាកីឡាករម្នាក់ក្នុងចំណោមកីឡាករទាំង១៩នាក់របស់ក្រុម Chapecoense ដែលបានស្លាប់ក្នុងគ្រោះថ្នាក់ធ្លាក់យន្ដហោះនៅកូឡុំប៊ី ដោយមានមនុស្ស៧១នាក់ត្រូវស្លាប់ទាំងអស់។ យ៉ាងណាមិញ Danilo ពិតជាកីឡាករល្អម្នាក់ ហើយក៏ត្រូវបានគេជ្រើសរើសជាកីឡាករល្អជាងគេប្រចាំឆ្នាំនៅប្រេស៊ីលផងដែរ។
Danilo បានជួយក្លឹបខាងលើបានច្រើនមែនទែននៅរដូវកាលនេះ ដោយបង្ហាញទម្រង់លេងល្អ ហើយជួយក្លឹបChapecoense បានឡើងដល់វគ្គផ្ដាច់ព្រ័ត្រពានរង្វាន់ Copa Scudamericana ថែមទៀតផង។ អ្នកចាំទីរូបនេះ ទទួលបានសំឡេងគាំទ្រដល់ទៅ៤៨%ឯណោះ ក្នុងការឈ្នះពានកីឡាករល្អជាងគេនេះ ខណៈដែលកីឡាករ Gabriel Jesus វិញ បានពាន Football Writers’ player of the year ៕
មតិយោបល់