ការធ្លាក់ចេញពី UEFA Champion League ក្រោមស្នាដៃក្រុមការពារតំណែងជើងឯក Real Madrid បានធ្វើឲ្យក្រុម Paris Saint Germain ឈឺចាប់យ៉ាងខ្លាំង ដោយក្លិបបារាំងមួយនេះ ត្រៀមសងសឹកឡើងវិញ នៅឆ្នាំក្រោយតាមរយ:ការប្តូរគ្រូបង្វឹកថ្មី។
បើតាមការចុះផ្សាយរបស់កាសែត AS បានឲ្យដឹងថា ក្រុម Paris Saint Germain នឹងបន្តផ្លាស់គ្រូបង្វឹកថ្មីមួយរូបទៀត ជំនួសតំណែងលោក Unai Emery ដែលមិនអាចជួយក្រុម ឲ្យឡើងទៅកាន់វគ្គ ៨ក្រុមចុងក្រោយ Champion League ។ ជាក់ស្តែងណាស់ ប្រភពខាងលើដដែលបានឲ្យដឹងបន្ថែមទៀតថា ក្រុម Paris Saint Germain បានសម្លឹងឃើញគ្រូបង្វឹកក្រុមតោខៀវ Chelsea លោក Antonio Conte ដើម្បីមកដឹកនាំក្លិបបារាំងមួយនេះ នៅរដូវកាលក្រោយ។ ថ្វីបើលោក Conte ដឹកនាំ Chelsea មិនជោគជ័យនៅរដូវកាលនេះក៍ដោយ តែសម្រាប់ក្រុម Paris Saint Germain នៅតែចង់បានគ្រូបង្វឹកអ៊ីតាលីរូបនេះ ដដែល ដោយរំពឹងថា លោកអាចជួយក្លិបបារាំងមួយនេះ ឲ្យប្រសើរជាងការដឹកនាំរបស់លោក Emery ។
គួរបញ្ជាក់ផងដែរថា លោក Antonio Conte នាពេលកន្លងមកនេះ មានពត៌មានជាច្រើនបានចុះផ្សាយថា លោកនឹងចាកចេញពី Chelsea នៅចប់រដូវកាលនេះ ខណ:ក្រុមជម្រើសជាតិអ៊ីតាលី កំពុងចង់បានលោកត្រឡប់ទៅវិញ ស្របពេលដែលក្លិបធំៗ នៅអ៊ីតាលី ចង់បានលោក Conte ដូចគ្នា ខណ: Paris Saint Germain ក៍ចង់នាំយកលោក Conte ទៅកាន់ទឹកដីបារាំងផងដែរ។
មតិយោបល់