ខ្សែការពារជម្រើសជាតិអាហ្សង់ទីន Javier Mascherano បានសម្រេចចិត្តចាកចេញពីក្រុម FC Barcelona ហើយនៅបញចប់រដូវកាលនេះ ដោយទៅចូលរួមនៅក្របខ័ណ្ឌ MLS Soccer League របស់សហរដ្ឋអាមេរិកវិញ។
ការសម្រេចចិត្តចាកចេញពីក្រុម Barcelona របស់ខ្សែការពារឆ្នើម Javier Mascherano ប្រហែលជាការសម្រេចចិត្តត្រូវមួយហើយ របស់កីឡាករ អាហ្សង់ទីនរូបនេះ ព្រោះថានៅ Barcelona នាពេលនេះ មានកីឡាករខ្សែការពារល្អៗ ជាច្រើនរូបទៅហើយ ដោយមិនចាំបាច់មាន Mascherano ក៍បានដែរ។ ជាក់ស្តែងណាស់ បើតាមការចុះផ្សាយរបស់ Sky Sports បានឲ្យដឹងថា ខ្សែការពារវ័យរាងជ្រេ Javier Mascherano បានសម្រេចចិត្តផ្លាស់ទៅលេង នៅសហរដ្ឋអាមេរិកហើយ នៅចប់រដូវកាលនេះ ក្រោយពីកីឡាកររូបនេះ ចប់កុងត្រានៅ Barcelona ។
ប្រភពខាងលើនេះ ដដែលបានឲ្យដឹងបន្ថែមទៀតថា Mascherano មិនមែនមានតែ MLS នោះទេ ដែលចង់បានរូបគេ តែ ខ្សែការពាររូបនេះ បានបដិសេធ មិនទៅចិន កាតា និងលីគកំពូលផ្សេងៗទៀត ដោយសុខចិត្តទៅកាន់ អាមេរិកវិញ។ Mascherano ប្រហែលជាមិនមានសញ្ញាណាមួយនៃការបន្តកុត្រាថ្មី ជាមួយក្រុម Barcelona ឡើយ ទើបកីឡាករអាហ្សង់ទីនរូបនេះ សុខចិត្តចាកចេញ ពីអេស្ប៉ាញបែបនេះ។ យ៉ាងណាវិញ Mascherano ទៅលេងនៅ MLS Soccer League របស់សរដ្ឋអាមេរិក អាចនឹងក្លាយជាជម្រកថ្មី យ៉ាងល្អ សម្រាប់រូបគេ ព្រោះថាកីឡាករល្បីៗ ជាច្រើនបានទៅលេងនៅទីនោះ មិនខុសពីនៅលីគធំៗ របស់អឺរ៉ុបឡើយ។
ដូច្នេះហើយ Javier Mascherano នឹងលែងមានមុខនៅអេស្ប៉ាញទៀតហើយ នៅរដូវកាលក្រោយ ដោយរូបគេនឹងចាប់ផ្តើមអាជីពថ្មី លើដីសហរដ្ឋអាមេរិកវិញ។
មតិយោបល់