នេះគឺជារឿងដ៍អស្ចារ្យមួយ សម្រាប់អតីតប្រធានក្រុម Fiorentina កីឡាករ Davide Astori ខណៈថ្ងៃធ្វើពិធីបុណ្យសពរបស់កីឡាកររូបនេះ មិនត្រឹមតែមាន​កីឡាករជាច្រើនចូលរួមនោះទេ នៅមានក្រុមអ្នកគាំទ្រ រាប់ពាន់នាក់បាននាំគ្នា មកកាន់កន្លែងតម្កល់សព នៅទីក្រុម ​Fiorentina ដើម្បីចូលរួមក្នុងពិធីនេះ​ផងដែរ។

ជាក់ស្តែងណាស់ បើតាមការចុះផ្សាយរបស់ BBC Sports បានឲ្យដឹងថា នៅកន្លែងតម្កល់សពរបស់អតីតកីឡាករ Davide Astori ដែលបានស្លាប់ក្នុង​បន្ទប់របស់គេ ក្នុងសណ្ឋាគា កាលពីថ្ងៃអាទិត្យកន្លងមកនេះ មានការចូលរួមយ៉ាងច្រើនកុះករ ពីសំណាក់ថ្នាក់ដឹកនាំក្លិប និង កីឡាករបាល់ទាត់​ទាំងអស់ក្នុងក្របខ័ណ្ឌ Serie A ចូលរួមក្នុងពិធីនេះ។ យ៉ាងណាមិញ រឿងដែលគួរឲ្យភ្ញាក់ផ្អើលមួយបានកើតឡើង គឺអ្នកគាំទ្រ ក្រុម Fiorentina រាប់ពាន់នាក់ បាននាំគ្នាមកចូលរួមយ៉ាងច្រើនកុះករ ធ្វើឲ្យពិធីបុណ្យពនេះ កាន់តែអឹធឹកឡើង។

អ្នកគាំទ្រជាច្រើនពាន់នាក់នេះដែរ បាននាំគ្នាកាន់បដា ជាច្រើន​ដោយសរសេរ ឈ្មោះរបស់ Davide Astori ដើម្បីសម្តែងនូវការគាំទ្រ ចំពោះ អតីតប្រធានក្រុម Fiorentina រូបនេះ រួមទាំងការសោកស្តាយចំពោះការបាត់​បង់​កីឡាករដ៍ល្អរបស់ក្លិបរូបនេះផងដែរ។​ យ៉ាងណាវិញ សម្រាប់ក្លិបបាល់ទាត់ Fiorentina វិញ បានធ្វើឲ្យមានការចាប់អារម្មណ៍ផងដែរ ដោយក្លិបអ៊ីតាលីមួយនេះ សម្រេចចិត្តផ្តល់កុងត្រាមួយជីវិតដល់ Astori ពោលក្លិបបានផ្តល់ប្រាក់ខែជារៀងរាល់ខែដល់គ្រួសាររបស់ អតីតប្រធានក្រុមរូប​នេះ រហូត។

គួរបញ្ជាក់ផងដែរថា កម្មវិធីបុណ្យសពរបស់ Davide Astori នេះ បានធ្វើឲ្យមានការចាប់អារម្មណ៍យ៉ាងខ្លាំង ខណៈអ្នកគាំទ្រ បង្ហាញនូវក្តីស្រឡាញ់​យ៉ាងស្មោះស្ម័គ្រចំពោះកីឡាកររូបនេះ។ ម្យ៉ាងវិញទៀត វាគឺជាលើកទី១ ហើយដែលមានអ្នកគាំទ្រច្រើនបែបនេះ មកចូលរួមបុណ្យសពរបស់កីឡាករដែល​បានស្លាប់យ៉ាងកុះករបែបនេះ។